लन्डन । गैर आवासीय नेपाली संघ (एनआरएनए) को आगामी निर्वाचनमा अध्यक्षकी प्रत्यासी रविना थापा टिमले भब्य कार्यक्रमकाबीच औपचारिक उम्मेदवारी घोषणा गर्ने भएको छ । थापा टिमले एक भब्य कार्यक्रमको आयोजना गरि औपचारिक उम्मेदवारी घोषणा गर्ने भएको हो ।
थापा टिमको मंगलबार बसेको बैठकले एनआरएन अभियन्ता, विभिन्न राजनीतिक दलका प्रमुखको उपस्थितिमा उम्मेदवारी घोषणा गर्ने निर्णय गरेको हो । थापा टिम अहिले टिम निर्माणदेखि घोषणापत्र बनाउन ब्यस्त बनेको छ ।
थापा टिमबाट महासचिवको उम्मेदवार रहनु भएको विनय अधिकारीले अहिले विश्वभरि आफूहरुको पक्षमा माहौल बन्दै गएको बताउनु भयो । उहाँले आफूहरुको टिम सशक्त बनेको बताउँदै ढिलोमा एक साताभित्र औपचारिक उम्मेदवारी घोषणा गर्ने बताउनु भयो ।
अहिले थापा टिमलाई विश्वभरिका नेपाली जनसम्पर्क समितिले धमाधम निर्णय गर्दै आधिकारिक रुपमा समर्थन गरिरहेका छन् । बिहीबार पनि विश्वभरिका जनसम्पर्क समितिमाझ थापा टिमले भब्य अन्तरक्रिर्या कार्यक्रमको आयोजना गर्दैछ ।
FOUNDER/CHIEF EDITOR :