युरोपमा फैलियो नयाँ कोरोना, युवाहरुमा बढी संक्रमण, स्थिति खराब बन्नसक्ने चेतावनी

युरोपनेपाली खबर, लिस्बन, पोर्तुगल ।बेलायतमा पहिलोपटक पहिचान गरिएको कोभिड–१९ को नयाँ प्रकारको भाइरस यूरोपेली राष्ट्रसहित जापान, क्यानाडामा समेत पुष्टि भएको छ । बेलायतबाट फर्केर स्पेन, स्वीटजरल्याण्ड, स्वीडेन, फ्रान्स र लेबनान पुगेका ब्यक्तिमा समेत भाइरस सङ्क्रमणको पुष्टि भएको हो । 

क्यानाडाको ओन्टेरियोमा पुष्टि भएका दम्पत्तीको कुनै यात्रा वृत्तान्त वा सम्पर्क नरहेको अधिकारीहरुले बताएका छन् । जापानमा सोमबारबाट लागू हुने गरी गैर आवासीय विदेशीहरुलाई एक महिनासम्म प्रवेशमा प्रतिबन्ध लगाइएको छ । बेलायतबाट फर्केका पाँच जनामा सङ्क्रमणको पुष्टि भए यता थप दुई जना सङ्क्रमित भएका छन् । दुबैजनाको कुनै यात्रा वृत्तान्त छैन् । 

यूरोपेली यूनियनले फाइजर एनबायोटेकको खोप लगाउन स्वीकृति प्रदान गरेसँगै यूरोपेली राष्ट्रहरुमा खोप अभियान सञ्चालन गरिएको छ । उत्तर पूर्बी जर्मनीका स्वास्थ्य अधिकारीहरुले नयाँ अनुमति दिएको फाइजरको खोप वितरण गर्न र लगाउन अझै ढिलाइ गर्न नहुने बताएका छन् । हल्बरस्टाटको नर्सिङ्ग होममा भर्ना भएका वृद्ध ब्यक्तिहरुमा उक्त खोप लगाइएको छ । 

हगेंरीमा डेल पेस्ट केन्द्रीय अस्पतालका एक चिकित्सकमा खोप लगाएर अभियानको सुरुवात गरिएको छ । स्लोभाकियाका अधिकारीहरुले समेत खोप लगाउन सुरु गरिएको बताएका छन् । यूरोपेली कमीशनका प्रमुख उर्सुला भोन डर लियोनले खोप वितरणको तस्विर साझा गर्नुहुँदै ट्वीटरमा वक्तब्य जारी गरी “एकताको स्पर्श क्षण” उल्लेख गर्नुभएको छ । 

वैज्ञानिकहरुले कोरोनाभाइरसको नयाँ प्रकार बेलायतमा फेला पर्नुलाई निगरानी पद्धतीको सुदृढ अवस्था इकिंत गरेको प्रतिक्रिया दिएका छन् । नयाँ भाइरस अझै बढी सङ्क्रामक रहेपनि सङ्क्रमित ब्यक्तिहरुमा त्यत्ति बढी जोखिम ननिम्तिने विज्ञहरुले बताएका छन् । 

स्पेनको मड्रिडमा चारजनामा नयाँ भाइरसको सङ्क्रमणको पुष्टि भएको छ । बेलायतबाट आएका चारैजना भने गम्भिर बिरामी नभएको अधिकारीहरुले बताएका छन् । 

स्वीटजरल्याण्डमा तीन जनामा सङ्क्रमणको पुष्टि भएको छ । दुई जना बेलायतका नागरिक छन् । क्रिसमस पूर्ब बेलायतबाट आउनेलाई अनुमति प्रदान गर्ने स्वीटजरल्याण्ड एकल यूरोपेली राष्ट्र हो । हजारौंका संख्यामा बेलायतबाट विदा मनाउन स्वीटजरल्याण्ड पुग्नेहरु छन् । 

स्वीडेनको स्वास्थ्य नियामक निकायले बेलायतबाट फर्केका एक जनामा सङ्क्रमणको पुष्टि भएपछि सुरुमा बिरामी देखिएपनि हाल सेल्फ आइसोलेशनमा रहेको जनाएको छ । 

फ्रान्सको टौर्स शहरमा एकजना फ्रान्सेली नागरिकमा नयाँ कोरोनाभाइरस सङ्क्रमणको पुष्टि भएको छ । उहाँ डिसेम्बर १९ मा लण्डनबाट फ्रान्स फर्किनुभएको थियो । 

यसअघि नयाँ कोरोनाभाइरसका बिरामी डेनमार्क, जर्मनी, इटाली, द् नेदरल्याण्ड्स र अष्ट्रेलियामा समेत पुष्टि भइसकेको छ । नयाँ कोरोनाभाइरसबाट सङ्क्रमित सबैभन्दा पहिला सेप्टेम्बर महिनामा दक्षिणी इंग्ल्याण्डमा पुष्टि भएको थियो । पछिल्ला दिनहरुमा लण्डनसहित दक्षिण पूर्बी र पूर्बी इंग्ल्याण्डमा सङ्क्रमित हुनेको दुई तिहाइ नयाँ भाइरसका बिरामी छन् । 

नयाँ कोरोनाभाइरसले भाइरसको अन्य संस्करणलाई विस्थापित गर्दैछ । भाइरसले म्युटेशन गर्छ । भाइरसको उक्त प्रभाब महत्वपूर्ण रहेको विज्ञहरु बताउँछन् । 

केही म्युटेशनबाट भाइरसले कोषलाई असर गर्ने क्षमता राखेको प्रयोगशालाबाट पुष्टि भएको छ । जसले गर्दा नयाँ संस्करणको कोरोनाभाइरस पहिलाको भन्दा बढी सङ्क्रामक हुने स्वास्थ्य विद्हरुले बताएका छन् । यद्दपी पछिल्ला महिनाहरुमा विकास गरिएको खोपले उक्त भाइरस विरुद्ध समेत काम गर्ने विज्ञहरुको दाबी छ ।

विश्व स्वास्थ्य संगठनका अनुसार युरोपका ८ वटा देशका साथै जापान तथा अस्ट्रेलियामा नयाँ प्रकारको कोरोनाको संक्रमण पुष्टि

युरोपका विभिन्न देशमा नयाँ प्रकारको कोरोना भाइरसको संक्रमण पुष्टि भएको छ । युरोपेली संघअन्तर्गतका ८ देशमा नयाँ प्रकारको कोरोना भाइरस देखिएको विश्व स्वास्थ्य संगठन (डब्लूएचओ) ले जनाएको छ ।

डब्लूएचओका युरोपेली क्षेत्रका क्षेत्रीय निर्देशक हान्स हेनरी क्लुगले आफूहरूले पछिल्लो अवस्थालाई गम्भीरतापूर्वक हेरिरहेको जनाए । उनले नयाँ प्रकारको भाइरसका लागि रक्षात्मक र नियन्त्रणात्मक व्यवस्था कडाइका साथ पालना गर्नुपर्नेमा पनि जोड दिए ।

कोरोनाको पुरानो भाइरसको तुलनामा नयाँले युवाहरूलाई बढी प्रभावित पारेको देखिएको पनि क्लुगले जनाए । क्लुगले सामाजिक दूरी कायम गर्ने, मास्क लगाउने र साबुनपानीले हात हुने वा सेनिटाइजरको प्रयोग गर्नेलगायतका उपायहरूलाई कडाइका साथ अवलम्बन गर्नुपर्ने बताए । ‘डब्लूएचओले सबै अवस्थालाई गम्भीरतापूर्वक नियालिरहेको छ,’ निर्देशक क्लुगले सामाजिक सञ्जाल ट्वीटरमा लेखेका छन् ।

यसको गुण, लक्षण, असरलगायतबारे अध्ययन भइरहेको र नतिजा आएर धेरै कुरा प्रस्ट भइसकेपछि मात्रै नयाँ रणनीति तय गर्न सकिने डब्लूएचओको भनाइ छ । नयाँ प्रकारको कोरोना बेलायतमा गत साता पहिलोपटक पुष्टि भएको थियो । त्यसलगत्तै बेलायतबाट अन्य देशहरूमा आवतजावत गर्न थप प्रतिबन्ध लगाइएको छ । तर अन्य देशहरूमा पनि फैलिएको पुष्टि भइसकेको छ ।

नयाँ प्रकारको कोरोना देखिएका ८ देशको पहिचान भएको बताए पनि उनले देशहरूको नाम भने उल्लेख नगरेका अन्तर्राष्ट्रिय सञ्चारमाध्यमले जनाएका छन् । तर कतिपय देशले भने कोरोना भाइरसको नयाँ प्रकार पुष्टि भएको उद्घोष गरिसकेका छन् । बेलायतसँग सीमा जोडिएको फ्रान्सले शनिबार त्यसको पुष्टि गरेको हो । फ्रान्सेली स्वास्थ्य मन्त्रालयले डिसेम्बर १९ मा बेलायतका राजधानी लन्डनबाट फ्रान्स आएका आफ्ना नागरिकमा त्यस्तो भाइरस देखिएको जनाएको हो । उनलाई डिसेम्बर २१ मा भाइरस पुष्टि भएको हो । मन्त्रालयका अनुसार कुनै लक्षण नदेखिएका उनले आफ्नै घरमा आराम गरिरहेका छन् । बेलायतमा नयाँ प्रकारको कोरोना भाइरस देखिएपछि सीमा बन्द गरेको फ्रान्सले बुधबार नागरिकलाई यात्रा गर्न खुला गरेको थियो । तर यात्रा गर्नुअघि भाइरस परीक्षणको नतिजा नेगेटिभ आउनुपर्ने जनाइएको थियो ।

त्यसैगरी, जापानले बेलायतबाट फर्केका ५ जना नागरिकमा नयाँ प्रकारको कोरोना भाइरस देखिएको शुक्रबार जनाएको थियो । त्यसका साथै डेनमार्क, अस्ट्रेलिया र नेदरल्यान्ड्सले पनि नयाँ भाइरस देखिएको यसअघि नै पुष्टि गरिसकेका छन् ।

गतवर्षको अन्त्यमा चीनको वुहानबाट फैलिएको कोरोना भाइरसलाई विश्व स्वास्थ्य संगठनले मार्चमा विश्वव्यापी महामारीका घोषणा गरेको थियो । जोन्स हप्किन्स विश्वविद्यालयका अनुसार अहिलेसम्म विश्वभरि ७ करोड ९९ लाख ३४ हजारभन्दा बढी मानिस संक्रमित भइसकेका छन् । १७ लाख ५२ हजार ३ सय जनाको भाइरसका कारण मृत्यु भएको छ । सबैभन्दा बढी प्रभावित अमेरिकामा १ करोड ८७ लाख जनाभन्दा बढीमा संक्रमण पुष्टि भइसकेको छ । अमेरिकामा मृत्यु हुनेको संख्या ३ लाख ३० हजारभन्दा बढी छ ।

भाइरसका कारण प्रभावित हुने देशहरूको सूचीमा भारत दोस्रो र ब्राजिल तेस्रो स्थानमा छन् । विश्वविद्यालयका अनुसार भारतमा शनिबार साँझसम्म १ करोड १ लाख ७० हजार जनामा संक्रमण देखिइसकेको छ । त्यस्तै तेस्रो प्रभावित ब्राजिलमा संक्रमितको संख्या ७४ लाख ४८ हजारभन्दा बढी छ । भारतमा १ लाख ४७ हजार ३ सय तथा ब्राजिलमा १ लाख ९० हजार जनाले कोरोना भाइरसको संक्रमणका कारण ज्यान गुमाइसकेका छन् ।

नयाँ प्रकारको कोरोना भाइरसको संक्रमण युरोपेली देशहरुमा पनि देखिन थालेको छ । युरोपेली संघ अन्तर्गतका आठ ओटा मुलुकमा नयाँ प्रकारको कोरोना भाइरस देखिन थालेको पुष्टि भएको विश्व स्वास्थ्य संगठन (डब्लुएचओ)ले जनाएको छ ।

डब्लुएचओका युरोपेली क्षेत्रका क्षेत्रीय निर्देशक हन्स क्युगले आफ्नो कार्यालयले अवस्थालाई गम्भीरतापूर्वक हेरिरहेको जानकारी दिए । उनले नयाँ प्रकारको भाइरसका लागि रक्षात्मक र नियन्त्रणात्मक व्यवस्था कडाइका साथ पालना गर्नु पर्नेमा पनि जोड दिए ।

कोरोनाको पुरानो भाइरसको भन्दा फरक नतिजा देखाउदै नयाँ प्रकारको भाइरसले युवाहरुलाई बढी प्रभावित पारेको देखिएको पनि उनले जानकारी दिए । नयाँ प्रकारको कोरोना देखिएका आठ देशको पहिचान भएको बताएपनि उनले देशहरुको नाम भने उल्लेख गरेका छैनन् ।

उनले सामाजिक दूरी कायम गर्ने, मास्क लगाउने र सावुन पानीले हात हुने वा सेनिटाइजरको प्रयोग गर्ने लगायतका उपायहरुलाई कडाइका साथ अबलम्बन गर्न पनि आह्वान गरे । “डब्लुएचओले सवै अवस्थालाई गम्भीरतापूर्वक नियालीरहेको छ,” निर्देशक क्लुगले सामाजिक सञ्जाल ट्वीटरमा लेखेका छन् ।

यसको गुण, लक्षण, असरलगायतका बारेमा अध्ययन अनुसन्धान भइरहेको र नतिजा आएर धेरै कुरा प्रष्ट भइसकेपछि मात्रै थप नयाँ रणनीति तय गर्न सकिने डब्लुएचओको भनाइ छ । नयाँ प्रकारको कोरोना बेलायतमा गत हप्ता पुष्टि गरिएको थियो । यो नै पहिलो पटक पुष्टि भएको हो । त्यसपछि बेलायतबाट अन्य देशहरुमा आवतजावत गर्न थप प्रतिबन्ध लगाइएको छ । तर अन्य देशहरुमा पनि फैलिएको पुष्टि भइसकेको छ ।

विश्व स्वास्थ्य संगठनले गत वर्षको मार्च ११ देखि विश्वभरि कोरोना भाइरसको महामारी फैलिएको घोषणा गरेको थियो । महामारी अहिले पनि जारी छ । हकिङ्स विश्वविद्यालयले दिएको जानकारीअनुसार अहिलेसम्म विश्वभरि सात करोड ९७ लाख १२ हजारभन्दा बढी मानिस संक्रमित भएका छन् भने १७ लाख ४७ हजार ७ सय ९० भन्दा बढीको मृत्यु भएको छ ।

सबैभन्दा धेरै प्रभावित अमेरिका भएको छ भने दोस्रो धेरै भारत र तेस्रो धेरै ब्राजिल प्रभावित भएको विश्वविद्यालयले जनाएको छ ।