लिस्बन । नेकपा माओवादी केन्द्र सम्बद्ध प्रवास संगठन नेपाली जनप्रगतिशील मंच पोर्चुगलको छैटौं अधिवेशन सम्पन्न भएको छ । अधिवेशनले दावा लामालाई सर्वसम्मतिले अध्यक्षमा चयन गरेको छ ।
आज लिस्बनमा भर्चुअल रूपमा आयोजना भएको अधिवेशनको उद्घाटन सत्रमा नेकपा माओवादी केन्द्र प्रवास समन्वय समितिका अध्यक्ष ओम शर्माले प्रमुख अतिथिका रूपमा अधिवेशनको उद्घाटन गर्दै शुभकामना दिएका थिए । प्रवास समन्वय समितिका सचिव, युरोप समन्वय समितिका संयोजक, सचिव र युरोपस्थित विभिन्न देशका जनप्रगतिशील मंचका अध्यक्ष एंव प्रतिनिधिहरुले शुभकामना मन्तव्य दिएका थिए ।
यसैगरी एनआरएनए पोर्चुगलका महासचिव राजकुमार थापा, जनसम्पर्क समिति पोर्चुगलका, प्रवासी नेपाली एकता मंच पोर्चुगलका अध्यक्ष मदन लिम्बू, जनप्रगतिशील मोर्चा पोर्चुगलका अध्यक्ष पुर्ण बिक लगायतले पनि शुभकामना दिएका थिए ।
मंचका अध्यक्ष राजेन्द्र गौतमको अध्यक्षतामा सम्पन्न अधिवेशनले नयाँ कार्यसमिति सर्वसम्मतिले चयन भएको जनाइएको छ । जसअनुसार अध्यक्षमा दावा लामा, उपाध्यक्षम प्रकाश जिसी र दुर्गा पौडेल, महासचिव जिएन पाण्डे, सचिवमा रवि अधिकारी र रेशम बस्नेत लगायत अन्य सदस्यहरु रहेको जानकारी दिएको छ ।
FOUNDER/CHIEF EDITOR :
