पोर्चुगल । महिला सशक्तिकरण, संभावना र चुनौती विषयमा एनआरएनए ककसको तेस्रो भाग २७ नोभेम्बरमा हुने भएको छ । उक्त ककस नेपाली समय बेलुका ५ बजे भर्चुअल रूपमा हुने जनाइएको छ ।
यसभन्दा पहिले यस्तै ककसको भाग १ र २ सफलतापूर्वक सम्पन्न भइसकेको आयोजकहरुले जनाएका छन् ।
ककसको तेस्रो अंकमा एनआरएनए २०२१-२३ का लागि अध्यक्षका प्रत्यासी डा.बद्री केसी, महिला उपाध्यक्षकी प्रत्यासी यास्मिन बेगम सैयद, महिला सचिवकी प्रत्यासी राधिका गुरुङ (टीका), महिला सह-कोषाध्यक्षकी प्रत्यासी यमुना भट्टराईले बहसमा मुख्य वक्ताको रूपमा सहभागिता जनाउने छन् भने उक्त कार्यक्रम महिला संयोजककी प्रत्यासी संगिता मरहठ्ठाले संचालन गर्नेछिन् ।
ककस-३ मा महत्त्वपूर्ण चार विषयमा घनिभूत छलफल र बहस हुने महिला संयोजककी प्रत्यासी संगिता मरहठ्ठाले बताइन् । कार्यक्रममा जोडिन महिला उपाध्यक्षकी उम्मेदवार यास्मिन बेगम सैयदले स्वदेश तथा विदेशमा रहने सम्पूर्ण नेपाली महिला दिदिबहिनी तथा दाजुभाइहरुमा आग्रह गरेकी छन् ।
बहसका बिषयहरुः
१) विदेशमा महिलाहरुको अवस्था, संभावना र चुनौतीहरु,
२) एनआरएनएमा महिलाहरुको सहभागिता र महिला फोरमहरुको भूमिका,
३) महिलाहरुले विदेशमा सिकेको ज्ञान, सिप, र पुँजी स्वदेशमा लगानी,
४) महिला सशक्तिकरण, सचेतना कार्यक्रम
(ककस-३, महिला सशक्तिकरण, संभावना र चुनौतीहरु ।
२७ नोभेम्बर २०२१ नेपाल समय साँझ ५ बजे (प्रवेश ४:३०), Zoom ID: 884 3057 6948 Password: 2021)
FOUNDER/CHIEF EDITOR :