पोर्चुगल । नेपाली कांग्रेसको १४ औं महाधिवेशनमा भाग लिन जाने गैरआवासीय नेपालीहरु मध्ये जनसम्पर्क समिति अध्यक्ष, महाधिवेशन प्रतिनिधि एवं महासमिति सदस्यहरुले अनिवार्य रूपमा नेपाली पासपोर्ट प्रयोग गरेको हुनुपर्ने काँग्रेसले निर्देशन गरेको छ । पार्टीको निर्वाचन समितिले विदेशी नागरिकता लिएकाहरुको हकमा कडाई गर्दै यस्तो निर्देशन जारी गरेको हो ।
पार्टीको निर्वाचन समितिको पत्र अनुसार विदेशी नागरिकता वा पासपोर्ट भएका व्यक्तिहरु नेपाली जनसम्पर्क समितिको सभापति, महाधिवेशन प्रतिनिधी र महासमिति सदस्य हुन नपाउने उल्लेख छ ।
नेपालमा प्रतिनिधि भई भोट हाल्न जाँदा नेपाली पासपोर्टमा यात्रा गरेको प्रमाण पेश गर्नु पर्ने निर्देशन जारी गरिएको छ ।
FOUNDER/CHIEF EDITOR :