युरोपमा नेपाली जहाजलाई उडान फुकुवा गरिदिन अर्थमन्त्रीको आग्रह

युरोपमा नेपाली जहाजलाई उडान फुकुवा गरिदिन अर्थमन्त्रीको आग्रह
२० जुलाइ २०२०

काठमाडौं । अर्थमन्त्री डा. युवराज खतिवडाले नेपाली नागरिक उड्डयनमाथि यूरोपेली यूनियनले लगाएको प्रतिवन्ध फुकुवा गर्न आग्रह गरेका छन् । सोमबार नेपालका लागि युरोपियन युनियनका राजदूत भेरोनिका कोडीसँगको भेटमा अर्थमन्त्री खतिवडाले यस्तो आग्रह गरेका हुन् । कोडी आफ्नो ३ बर्षे कार्यकाल पुरा गरी ब्रसेल्स र्फकन लागेको अवसरमा सोमबार अर्थमन्त्रीसँग विदाई भेट गरेकी हुन् ।

भेटमा अर्थमन्त्री खतिवडाले युरोपमा नेपाली जहाज उड्न पाउने गरी प्रतिवन्ध फुकुवाको माग गरेका हुन् । अन्तर्राष्ट्रिय विमानस्थलको स्तरोन्नतिसहित हवाई सुरक्षासम्बन्धी काममा सरकारले उच्च प्राथमिकता दिएको भन्दै नेपाल यूरोपेली यूनियनको प्रतिबन्धबाट फुकुवा हुनुपर्ने माग गरेका हुन् ।

युरोपियन पर्यटकहरुको गन्तव्य नेपाललाई बनाउने प्रयास रहेको सन्दर्भमा पनि युरोपियन युनियनले नेपालको युरोपका देशहरुमा हुने उडानलाई अनुमति दिनुपर्ने उनको भनाइ छ ।

अर्थमन्त्रीले युरोपियन युनियनले नेपालको आर्थिक विकासमा पुर्याएको सहयोगका लागि धन्यवाद दिदैं निरन्तर सहयोगका लागि अनुरोध गरे ।

उनले युरोपियन युनियनले नेपालको व्यापार, रोजगारी, लगानी, पर्यटन र आर्थिक पुर्नउत्थानमा योगदान बढाउन सक्ने विश्वास व्यक्त गरे । नेपालले युनियनबाट पाउने बजेट सहायताले नेपालप्रतिको विकास साझेदारको विश्वासलाई प्रतिविम्वित गरेको समेत उनको भनाइ छ ।

आर्थिक/वित्तीय/श्रम लगायत हवाई यातायात, पर्यटन क्षेत्रमा नेपालले आफ्नो प्राथमिकता बढाएको र आर्थिक तथा वित्तीय उत्तरदायित्व सम्बन्धी कानूनी व्यवस्था गरी सुशासन, पारदर्शिता र सुधारप्रति प्रतिवद्धता सुदृढ गरेको उनले जानकारी गराए ।

भेटमा राजदूत कोडीले नेपालमा आफूले ३ बर्षको सफल कार्यकाल समापन पछि केन्द्रीय कार्यालयमा र्फकन लागेको जानकारी गराइन् ।

नेपालले युरोपियन युनियनसँगको सहकार्यमा राम्रो कार्य गरिरहेको आफ्नो धारणा व्यक्त गर्दै युनियनले नेपालको विकासका लागि विभिन्न क्षेत्रमा सहयोग गर्दै आएको बताइन् । उनले  आगामी दिनमा सहयोग निरन्तर रहने आश्वासन समेत दिएकी छिन् ।

अनलाइन खबरबाट ।

FOUNDER/CHIEF EDITOR :

RAJ KUMAR THAPA

EUROPE : LISBON, PORTUGAL
: europenepali2020@gmail.com
NEPAL : BANESHWOR, KATHMANDU

Video :

Everest Gautam

Technical Support

Bharat Poudel
© २०१६-२०२० europenepalikhabar.com सर्वाधिकार सुरक्षित