युरोप । युक्रेनसँगको वार्तामा रुसका अनौपचारिक दूत व्यापारी रोमन अब्रामोविचलाई राष्ट्रपति भ्लादिमिर पुटिनले युक्रेनीहरूलाई धूलोपीठो बनाउने भनेको समाचार आएको छ ।
बेलायतको द टाइम्स पत्रिकाले दिएको खबरअनुसार, अब्रामोविचले युक्रेनका राष्ट्रपति भोलोदीमीर जेलेन्स्कीको हस्तलिखित नोट पसटिनलाई दिएका थिए ।
‘उनीहरूलाई धूलोपीठो बनाइदिन्छु भनी उसलाई भनिदिनू,’ द टाइम्सले लेखेको छ ।
जेलेन्स्कीको नोटमा युद्ध अन्त्य गर्ने विषयमा युक्रेनले राखेको शर्त उल्लेख छ ।
युद्ध अन्त्य गर्ने सम्झौतामा आइपुग्न अब्रामोविचले युक्रेनलाई सहयोग गरिरहेका छन् । द टाइम्स पत्रिकाका अनुसार, अब्रामोविचको विमान इस्तानबुलबाट मस्कोका लागि उडेको थियो । त्यहाँ उनले पुटिनलाई भेटे र जेलेन्स्कीको नोट थमाए । अनि उनी फर्किए ।
यसैबीच अब्रामोविच र युक्रेनका शान्ति वार्ताकारहरू किएभमा भएको बैठकपछि बिरामी परेको खबर द वालस्ट्रीट जर्नलले दिएको छ । उनीहरूलाई विष् दिइएको हुन सक्ने आशंका गरिएको छ ।
तर एक अमेरिकी अधिकारीले विष दिइएको अनुमान गलत भएको बताएका छन् । गुप्तचर स्रोतका अनुसार, अब्रामोविच र शान्ति वार्ताकारहरू बिरामी पर्नुमा वातावरणीय कारण छ ।
रुस र युक्रेनका प्रतिनिधिबीच टर्कीमा वार्ता शुरू
रुस र युक्रेनका प्रतिनिधिहरूले टर्कीको इस्तानबुल नयाँ चरणको वार्ता मंगलवार थालेका छन् ।
वार्ताबाट तत्कालै समाधान निस्कने विषयलाई दुवै पक्षले अस्वीकार गरेका छन् ।
टर्कीका राष्ट्रपति रेचेप तैयिप एर्दोआनले वार्ताको आरम्भ गर्दै दुवै पक्षलाई यो त्रासदी अन्त्य गर्न आग्रह गरे ।
दुवै पक्षको वैध चिन्ता कायम रहेको एर्दोआनले बताए । उनले भने, ‘ठोस परिणाम आवश्यक छ । अन्तर्राष्ट्रिय समुदायले स्वीकार्य ठानेको समाधानमा पुग्नु जरूरी छ । द्वन्द्व थप बढ्नु कसैको पनि हितमा छैन ।’
वार्तामा रुसका धनाढ्य व्यापारी रोमन अब्रामोविच पनि सहभागी छन् ।
युक्रेनी सञ्चारमाध्यमहरूका अनुसार, बैठकको आरम्भमा दुवै पक्षले हात मिलाएनन् र एकअर्कालाई चिसो स्वागत गरे ।
प्रतिनिधिहरूले विविध विवादास्पद विषयमा वार्ता गर्ने युक्रेनका राष्ट्रपति भोलोदीमीर जेलेन्स्कीका राजनीतिक सल्लाहकार मिखाइलो पोदोल्याकले बताए ।
FOUNDER/CHIEF EDITOR :
