राजकुमार थापा, लिस्बन । पोर्चुगलका पूर्वप्रधानमन्त्री तथा समाजवादी पार्टीका नेता एन्टोनियो कोस्टालाई युरोपेली संघका राष्ट्र तथा सरकार प्रमुखहरूले साढे दुई वर्षका लागि युरोपेली परिषद्को अध्यक्षमा निर्वाचित गरेका छन् ।
प्राप्त विवरणहरु अनुसार ब्रसेल्समा भएको युरोपेली परिषद्को बैठकमा यो निर्णय पारित भएको थियो । यसैगरी युरोपेली संघ (ईयू) का नेताहरूले दोस्रो कार्यकालका लागि युरोपेली आयोगको प्रमुखमा उर्सुला भोन डेर लेयनको नाम प्रस्ताव गरेका थिए । अब युरोपेली संसदको अन्तिम अनुमोदनबाट यी निर्णयहरु हुनेछन् ।
इस्टोनियाका प्रधानमन्त्री काजा कालासलाई विदेश मामिला र सुरक्षा नीतिका लागि इयु उच्च प्रतिनिधिको रूपमा नियुक्त गरिएको छ ।
यो निर्णयको जानकारीको पुष्टि युरोपेली काउन्सिलका वर्तमान अध्यक्ष चार्ल्स मिशेलले गरेका थिए, जसले सामाजिक सञ्जाल एक्स (पहिले ट्विटर) मा एक पोस्टमा इयुका नेताहरूले "एन्टोनियो कोस्टा" लाई युरोपेली परिषदको नयाँ अध्यक्षमा निर्वाचित गरेको" घोषणा गरेको लेखेका छन् ।
पूर्व पोर्तुगाली प्रधानमन्त्री एन्टोनियो कोस्टालाई बेल्जियमका चार्ल्स मिशेल (२०१९ देखि ) को नेतृत्वमा रहेको अहिलेको युरोपेली काउन्सिलको अबको नेतृत्वका लागि चयन गरिएको हो, इयुमा यसले सरकार र राज्यका प्रमुखहरूसंग सहकार्यका साथ काम गर्दछ ।
एन्टोनियो कोस्टा पोर्चुगल र युरोपेली परिषद्को नेतृत्व गर्ने पहिलो पोर्चुगिस समाजवादी नेता हुन् ।
युरोपेली परिषद्को अध्यक्षको कार्यालय लिस्बनमा पोर्चुगलले १३ डिसेम्बर २००७ मा उक्त सन्धिमा हस्ताक्षर गरेको थियो । यस बमोजिम बेल्जियमका पूर्व प्रधानमन्त्री हर्मन भान रोमपुईले १ डिसेम्बर २००९ र ३० नोभेम्बर २०१४ बीच दुई कार्यकाल सेवा गरेका थिए।
१ डिसेम्बर २०१४ र ३० नोभेम्बर २०१९ को बीचमा दुई कार्यकालका लागि राष्ट्रपति पद ग्रहण गरिसकेपछि पोल्याण्ड सरकारका पूर्व प्रमुख डोनाल्ड टस्कउक्त पदमा छनोट हुने दोस्रो व्यक्ति थिए।
वर्तमान राष्ट्रपति तथा पूर्व प्रधानमन्त्री चार्ल्स मिशेलको आगामी नोभेम्बर ३० मा आफ्नो कार्यकाल समाप्त हुनेछ ।
FOUNDER/CHIEF EDITOR :
