युरोपनेपाली खबर ।
गैरआवासीय नेपाली संघ (एनआरएनए) का पूर्वअध्यक्ष शेष घलेद्वारा आयोजना गर्न लागिएको अधिवेशनका लागि विश्वभरिबाट १८ हजार ४३ जना मात्र साधारण सदस्य बनेका छन् । आज अप्रिल ७ को मध्यरातबाट सदस्यता बाढ्ने अभियान बन्द भएको छ ।
नि:शुल्क हुँदा पनि सदस्य बन्ने संख्या निराशाजनक भएपछि घले अधिवेशनको उत्साह अत्यन्त कमजोर बनेको छ । उच्चस्तरीय समितिमा रहेका घलेले पटक–पटक मिति सार्दै सदस्यता फारम खुला गरे पनि अन्तिम दिन सोमबारसम्म जम्मा १८ हजार जनाले मात्र फारम भरेका छन् ।
३५ देशमा सदस्य बन्नेको संख्या १० जना भन्दा कम रहेको छ । यसैबीच, उच्चस्तरीय समितिकी सदस्यसचिव जनकी गुरुङले आइतबार एक अनलाइन अन्तरवार्तामा करिब २०० जनाले केन्द्रीय प्रतिनिधिका रूपमा चासो देखाएको जानकारी दिएकी थिइन् ।
संस्थापकहरू, वर्तमान कार्यसमिति, विश्वभर छरिएका ९० देशका राष्ट्रिय समिति र परराष्ट्र मन्त्रालयको सुझावलाई अवमूल्यन गर्दै घलेले आगामी मे ३ मा एनआरएनए नै विभाजित हुने स्थितिमा पनि आफ्नो समूहको महाधिवेशन गर्ने तयारी गरेपछि उनले गरेको आह्वानलाई अस्वीकार गर्दै गैरआवासीय नेपालीहरुले साथ नदिएका हुन् ।
FOUNDER/CHIEF EDITOR :
