इङ्ग्ल्याण्ड तेस्रो पटक लकडाउनको घोषणा स्थिति जटिल

युरोपनेपाली खबर, लन्डन । बेलायतमा नयाँ किसिमको कोरोना भाइरस भेटिएको र सो संगै संक्रमितहरुको संख्या वृद्धि भएकाले प्रधानमन्त्री बोरिस जोनसनले इंग्ल्याण्डमा अर्को जानकारी नदिए सम्म लकडाउन( बन्दाबन्दि )को घोषणा गरेका छन् । बेलायतमा यो संगै तेश्रो पटक बन्दाबन्दि भएको हो ।

जोनसनले गत सोमवार जनवरी ४ का दिन साँझ एक टिभी सम्बोधनमा सबै बेलायती घरपरिवारलाई घरमा नै बस्न आग्रह गरे । उनीहरुले सरकारको निर्देशन उल्लघंन गरेमा जरिवाना लगाईएको निर्देशनहरू लागू गर्ने अधिकार दिईएको बताएका छन् । उक्त बन्दाबन्दि ६ हप्ताको लागि हुनेछ ।

अनावश्यक चीजहरू बेच्ने पसलहरूलाई पुस्तकालयहरू, खेल मैदानहरू र बहिरंग ब्यायामशाला र पूजा गर्ने ठाउँहरू बन्द गर्न आदेश दिइएको छ ।

विवाह, र अन्य सार्वजानिक समारोहहरू बन्द भइरहेको छ, तर अन्त्येष्टिहरू अघि बढिनेछ । र दुई भन्दा बढी व्यक्तिको सबै सार्वजनिक जमघट (एकै घरका सदस्यहरू बाहेक) प्रतिबन्धित हुनेछ।

प्रधानमन्त्रीका अनुसार अब निम्न कुराका लागि मात्रै घरबाहिर निस्किन सकिनेछ:

१- खाद्यसामग्री या औषधि खरिद गर्नका लागि ।

२-अत्यावश्यक सेवाका काममा जानका लागि । अन्य काम र कार्यालयहरू बन्द हुनेछन् ।

३ -मेडिकल प्रयोजन या जोखिममा रहेकाहरूलाई मद्दत गर्नका लागि ।

२१ दिनमा बेलायतका अस्पतालहरु भरिभराउ हुनसक्ने : – प्रमुख चिकित्सा अधिकारीहरू

ब्रिटेनका प्रमुख चिकित्सा अधिकारीहरू र एनएचएस इंग्ल्याण्डका चिकित्सा निर्देशकले ‘एनएचएसले थप स्थायी वृद्धि सम्हाल्न सक्छ भन्ने कुरामा विश्वस्त नभएको’ चेतावनी दिएपछि ब्रिटेन कोभिड सतर्कता स्तर पाँच स्तरसम्म बढ्ने सिफारिस गरेका थिए ।

एक विज्ञप्तिमा उनीहरूले भनेका छन् कि आगामी २१ दिनको दौरान धेरै क्षेत्रहरूमा अस्पतालहरुमा संक्रमितहरुको वृद्धि संगै भौतिक अवस्था जोखिममा हुनेछ ।हाल सामुदायिक ट्रान्समिसनको दर धेरै छ, अस्पतालमा र गहन उपचारमा कोभिड रोगीहरूको पर्याप्त संख्या छ’, उनीहरूले भने ।

बेलायतमा धेरैजसो ठाउँमा प्राय : जताततै केसहरू बढ्दैछन् । संक्रमितहरु आकस्मिक उपचारको लागि आएका छन् यस्तै अवस्था रहे एनएचएसले थेग्न नसक्ने चेतावनी दिईएको थियो