युरोप। गैरआवासीय नेपाली संघको महासचिव पदमा उम्मेदवारी घोषणा गरेका बुद्धि सुवेदी अप्रत्याशित रूपमा बिहिवार अध्यक्षका प्रत्यासी आरके शर्मा समूहसंग सहमतिका लागि गम्भीर वार्ता गरेका छन् ।
स्रोतका अनुसार सुवेदीलाई अध्यक्ष पदका प्रत्यासी महेश श्रेष्ठ समूहले महासचिव उम्मेदवार नबाउने निश्चित भए पछि उनले समूह परिवर्तन गर्दै आरके शर्मासंग काठमाण्डौंमा छलफल गरेका हुन् ।
यसअघि संघका महासचिव डा. केशव पौडेलले महेश श्रेष्ठलाई समर्थन गर्ने र महासचिवमा सुवेदीलाई उम्मेदवार बनाउने काठमाण्डौंमा भएको सहमति लण्डनमा उल्टाएर संघका सचिव गंगाधार गौतमलाई सो समूहले महासचिवको उम्मेदवार बनाउने निर्णय गरेको थियो । स्रोतका अनुसार शर्माले सुवेदीलाई आफ्नो अभियानमा सहयोग गर्न सुवेदीलाई आग्रह गरेका थिए ।
सो समूहले सुवेदीलाई कोषाध्यक्ष वा उपमहासचिव पदमा उम्मेदवार बन्न सुझाव दिएको थियो तर उनले सो सुझावलाई अस्वीकार गरेका थिए । संघको अक्टोवरमा हुने ११ औं महाधिवेसको लागि अध्यक्ष प्रत्यासीहरु डा. बद्री केसी, डा. हेमराज शर्मा, महेश श्रेष्ठ, रविना थापा, आरके शर्मा र विनय अधिकारीले आआफ्नो आन्तरिक तयारी थालेका छन् ।
डा. केसीले महासचिव रूपमा अमेरिकाका गौरीराज जोशी अघि सारेका छन् ।
FOUNDER/CHIEF EDITOR :
