राष्ट्रप्रमुख र प्रधानमन्त्रीको उपस्थितिमा सम्पन्न अधिवेशन र परराष्ट्रमा दर्ता एनआरएनए नै वैधानिक

राष्ट्रप्रमुख र प्रधानमन्त्रीको उपस्थितिमा सम्पन्न  अधिवेशन र परराष्ट्रमा दर्ता एनआरएनए नै वैधानिक
www.europenepalikhabar.com २०७९ साउन ३० गते सोमबार, 15-08-2022


 गैरआवासीय नेपाली संघ एनआरएनए नेपाल सरकारको पररास्ट्र मन्त्रालयमा विधिवत दर्ता भएको विश्वमा रहेका गैरआवासीय नेपालीहरुको साझा संस्था हो । हाल एनआरएनएको बैधानिकताका बारेमा विश्वमा रहेका गैरआवासीय नेपालीहरुमा केही विवाद र भ्रमहरु समेत सिर्जना भएको जस्तो देखिएको सन्दर्भमा परराष्ट्र मन्त्रालयले राष्ट्रप्रमुख र प्रधानमन्त्रीको उपस्थितिमा सम्पन्न  अधिवेशन र परराष्ट्रमा दर्ता एनआरएनए नै वैधानिक रहेको विधान दर्ता गरेर पुष्टि गरेको छ । हाल कुल आचार्य,रबिना थापा र डा.बद्री केसी अध्यक्ष रहेको एनआरएनए र बिनोद कुँवर अध्यक्ष रहेको एनआरएनएका बारेमा कुन संस्था वैधानिक र कुन अवैधानिक  भनेर गैरआवासीय नेपालीमा केही भ्रम परेकोले स्पष्ट पारिएको जनाइएको छ ।

गैरआवासीय नेपालीमा केही बिषयमा अन्यौलता उत्पन्न भईरहेको अवस्थामा यहाँ गैरआवासिय नेपाली संघको आधिकारिकताका बिषयमा स्पष्ट पार्ने कोसिस  गरिएको छ ।

अहिले गैरएआवासीय नेपाली संघसँग सम्बन्धित कुनै पनि मुद्दा अदालतमा बिचाराधिन छैन, यस बिषयमा केही गैरआवासीय नेपालीहरु अन्योलमा रहेका छन । हाल गैरआवासीय नेपालीमा सरकारले जुनसुकै समुहलाइ बैधानिकता दिन सक्छ भन्ने तर्क केही समुहको भए पनि यो तर्क मात्रै भएको पररास्ट्र मन्त्रालय स्रोतले बतायो ।उक्त स्रोतले हाल अदालतमा गैर आवासिय नेपाली संघबारे कुनै पनि मुद्दा बिचाराधिन नभएको र गैरआबासिय नेपाली संघको निर्वाचन अगाडी अधिवेसन कसले गर्ने भन्ने बारे पररास्ट्र मन्त्रालयमा मुद्दा परेको र उक्त मुद्दा पनि छिनोफानो भैसकेको बतायो । उक्त मुद्दाका बादी र प्रतिबादी दुबैको सहभागितामा १०औं एकता महाधिवेशन सम्पन्न भएको सबै सामु प्रष्ट भएको पररास्ट्र मन्त्रालयले जनाएको छ ।