पोर्चुगल । पोर्तुगलको स्वायत्त क्षेत्र Azores ४ फेब्रुअरीमा मध्यावधि निर्वाचन सम्पन्न भएको छ । यसलाई मुख्यभूमि पोर्तुगलमा मार्च १० मा हुन गइरहेको मिनी चुनावको रुपमा पनि हेरिएको थियो ।
यो निर्वाचनमा मुख्यभूमि पोर्तुगलको सत्ताबाट हात धुनु परेको PS ले २ सिट गुमाएको छ भने ३.२ प्रतिशतले जनमत पनि गुमाएको छ । Azores को सत्तामा रहेको PSD पार्टीले रियल स्टेटसंग संवन्धित व्यवसायलाई फाइदा पुग्ने गरि अख्तियारको दुरुपयोग गरेर भ्रष्टचार गरेको आरोपमा प्रेसिडेन्ट मिगुएल अल्बुकर्कले जनवरीको अन्त्यमा राजिनामा दिएका थिए ।
त्यसपछि पोर्तुगलको राष्ट्रपती मार्सेलोले तुरुन्त मध्यावधि निर्वाचन घोषणा गरेका थिए । सो चुनावमा भ्रष्टचारको आरोप लागेर सरकार छोड्नु परेको PSD पार्टीले कुनै पनि सिट गुमाएन र ०.४ प्रतिशतले जनमत पनि बढाएको छ । सबैभन्दा धेरै फाइदा अति दक्षिणपन्थी पार्टी Chega लाई पुगेको छ र उसले ४.१ प्रतिशतले जनमत बढाएको छ। Chega ले ३ सिट बढाएर सरकार निर्माणको चावी बोकेको छ । Chega ले PS लाई सघाएमा PS ले सरकार गठन गर्न सक्छ भने PSD लाई सघाएमा PSD ले सरकार गठन गर्न सक्छ ।
कुल ५७ सिट रहेको Azores मा PSD गठबन्धनले २६, PS ले २३, Chega ले ५ सिट र BE, IL र PAN ले क्रमश १/१ सिट जितेको छन् । सरकार गठनको लागि २९ सिट आवश्यक पर्छ । बहुमतको लागि ३ सिट आवश्यक रहेको PSD लाई Chega ले ससर्त सहयोग गर्ने बताएको छ । यो संगै Azores मा PSD र Chega क्षेत्रिय सरकार बन्ने पक्का जस्तै देखिन्छ । यस्तै सरकार गठनको सम्भावना मुख्यभूमि पोर्तुगलमा मार्च १० मा हुनगइरहेको निर्वाचन पछि देखिन्छ ।
उक्त क्षेत्रीय द्वीपसमूहको लागि पोर्तुगलका प्रतिनिधी एड्रो क्याटारिनोले आज बुधवार साँझ सरकार गठनको लागि एक निर्णय दिने अपेक्षा गरिएको छ ।
FOUNDER/CHIEF EDITOR :