काठमाडौँ । पूर्वउपराष्ट्रपति नन्दबहादुर पुनका छोरा दिपेश पुन सुन तस्करी प्रकरणमा पक्राउ परेका छन् । प्रहरी प्रधान कार्यालय, नक्सालबाट खटिएको टोलीले उनलाई पक्राउ गरेको प्रहरी स्रोतले जानकारी दिएको छ ।
उनलाई आज शुक्रबार राजधानीको टोखाबाट पक्राउ गरीएको प्रहरी स्रोतले जानकारी दिएको छ । प्रहरी प्रधान कार्यालय उच्च स्रोतले सुन तस्करी प्रकरणमा मुछिएका पुनलाई नियन्त्रणमा लिएको पुष्टि गर्दै थप अनुसन्धान भइरहेको जानकारी दिएको छ ।
सीआईबी प्रमुखमा श्यामलाल ज्ञवाली
नेपाल प्रहरीको केन्द्रीय अनुसन्धान ब्युरो(सीआईबी)को प्रमुखमा प्रहरी अतिरिक्त महानिरीक्षक(एआईजी) श्यामलाल ज्ञवालीलाई पठाइएको छ ।
शुक्रबार बसेको मन्त्रिपरिषद् बैठकले यसअघि सीआईबीकी निर्देशक रहेकी एआईजी किरण बज्राचार्यलाई प्रहरी प्रधान कार्यालयको कार्य विभागमा बोलाउँदै सीआईबीमा ज्ञवालीलाई पठाउने निर्णय गरेको एक मन्त्रीले जानकारी दिए ।
सुन तस्करी सम्बन्धी जाँचका लागि गठित उच्चस्तरीय आयोगले बज्राचार्यको अनुसन्धानमा गम्भीर त्रुटि औँल्याएसँगै उनलाई जिम्मेवारीबाट हटाउने तयारी भएको थियो ।
FOUNDER/CHIEF EDITOR :
