युरोपनेपाली खबर, ७ अप्रिल, लिस्बन ।
पोर्चुगलको मोन्तेजु भन्ने स्थानको समुद्रमा ६ अप्रिल २०२४ शनिबारका दिन दुई नेपाली बेपत्ता भएका छन् । ती मध्ये एकको शव फेला परेको छ भने अर्का एकको अवस्था अझै अज्ञात रहेकोले खोजी कार्य जारी रहेको समाचार प्राप्त भएको छ ।
धादिङ्ग जिल्लाको नेत्रावती डपजोङ-५ घर भई हाल मोन्तिजो पोर्तुगल बस्दै आएका ३० बर्षिय धनबहादुर तामाङ्ग (साजन) र ३८ बर्षिय टेकबहादुर तामाङ्ग हिजो बेलुका मोन्तिजो नजिकै अमेज्वा टिप्न जाँदा समुन्द्री किनारमा वेपत्ता भएका थिए । बेपत्ता मध्ये धबहादुर तामाङ्को शव फेला परेको छ भने बेपत्ता रहेका अर्का टेकबहादुर तामाङ्को अवस्था हालसम्म अज्ञात रहेकोले सम्बन्धित निकायबाट खोजी कार्य जारी रहेको घटनास्थल पुगेर घटनाको जानकारी लिनु भएका एनआरएनए पोर्चुगलका अध्यक्ष उमेश खड्काले बताए । मृत भेटिएका धनबहादुर तामाङको शव पोष्टमार्ट्मको लागि अस्पताल लगिएको बताइएको छ ।
FOUNDER/CHIEF EDITOR :