पोर्चुगल । प्रवासी नेपाली मन्च अन्तराष्ट्रिय कमिटीले नेपाली नयाँ बर्षको अवसर पारेर चैत्र ३० (अप्रिल १२) गते जूम मार्फत शुभकामना आदान प्रदान कार्यक्रमको आयोजना गर्ने भएको छ ।
नेकपा(एमाले) का अध्यक्ष तथा पूर्व प्रधानमन्त्री केपी शर्मा ओलीको प्रमुख आतिथ्यतामा हुने शुभकामना आदानप्रदान कार्यक्रममा सहभागिताको लागि प्रवासी नेपाली मन्चले सबै प्रवासी नेपालीहरुलाई अनुरोध गरेको छ ।
"हामी प्रवासमा रहेपनि नेपाली नयाँ बर्षलाई उत्साहका साथ मनाउँछौं । नयाँ बर्षको अवसरमा शुभकामना आदान प्रदान, परिचय गर्ने त हुने नै भयो । नेपाली राजनीतिको पछिल्लो घट्नाक्रमको वारेमा प्रवासीहरुलाई जानकारी गराउने पनि कार्यक्रमको उद्देश्य हो" प्रवासी नेपाली मन्च, अन्तराष्ट्रिय कमिटीका अध्यक्ष सन्जय थापाले बताउनु भयो ।
कार्यक्रममा समृद्ध नेपाल निर्माणमा प्रवासी नेपालीहरुको भूमिकाको वारेमा पनि अन्तरकृया गरिने मन्चले जनाएको छ । कार्यक्रममा मन्चको कला, साहित्य तथा सँस्कृति बिभागको बिशेष प्रस्तुती रहने बताईएको छ ।
कार्यक्रममा ईच्छुक ब्यक्तिहरुले Zoom ID : 879 2778 6932 र Pass Code 2081 मार्फत जोडिएर कार्यक्रममा सहभागी हुन सक्ने मन्चले जानकारी दिएको छ ।
FOUNDER/CHIEF EDITOR :