युरोप । गैरआवासीय नेपाली संघ राष्ट्रिय समन्वय परिषद नर्वेको अध्यक्ष पदका लागि सीता श्रेष्ठ (शिवानी) ले उम्मेदवारी दिएकी छन् ।
एनआरएनए अभियानमा लामो समयदेखि सक्रिय सीता हालको कार्यसमितिकी उपाध्यक्ष हुन् ।
उनी विगतमा गैरआवासीय नेपाली संघ पोर्चुगलको वरिष्ठ उपाध्यक्ष र पोर्चुगलका महिलाहरुको साझा संस्था नारी समाजको अध्यक्षको जिम्मेवारी सफलतापूर्वक सम्हाली सकेकी छन् ।
उनले आफ्नो उम्मेद्बारी घोषणा गर्दै भनेकी छन् "समावेशी सोच, समान सहभागिता र साझा भविष्य निर्माण गर्ने अठोटका साथ मलाई आगामी कार्यकालको लागि एनआरएनए नर्वेको अध्यक्ष पदमा आफ्नो उम्मेदवारी घोषणा गरेको छु ।
नयाँ पुस्ताको जोश र पुराना पुस्ताको अनुभवलाई जोड्ने पुल बन्ने मेरो संकल्प छ ।
हामी सबैको आवाज सुन्ने, समेट्ने र व्यवहारमा उतार्ने नेतृत्वको खाँचो छ, म त्यही नेतृत्व दिन तयार छु ।
• सबैका लागि समान अवसर ।
• महिलाको सशक्त सहभागिता ।
• युवा र अनुभवी पुस्ताको सहकार्य ।
• पारदर्शी, उत्तरदायी र समावेशी संस्था ।
एनआरएनए नर्वे — हामी सबैको साझा घर, साझा भविष्य, साथ, सुझाव र समर्थनको अपेक्षा !
FOUNDER/CHIEF EDITOR :
