लिस्बन, पोर्चुगल — रसुवाको भोटेकोशीमा गएको बाढीमा परेर ३४ देशका ५८७ विदेशी पर्यटक सम्पर्कविहीन भएका छन् । पर्यटन विभागले दिएको जानकारीअनुसार भदौ १० को भोटेकोशी बाढीमा परेर ती पर्यटक सम्पर्कविहीन भएका हुन् ।
पर्यटन विभागका अनुसार कैलाश मानसरोवर र गोसाइँकुण्ड गएका पर्यटक सम्पर्कविहीन भएका हुन्, जसमा सबैभन्दा बढी भारतका १८४ जना छन् ।
रसुवाको भोटेकोशी बाढीमा ३४ देशका ५८७ विदेशी पर्यटक सम्पर्कविहीन भएका छन्, जसमा २५६ पुरुष, ३२९ महिला र दुई अन्य छन् ।
बाढीमा नेपालका १८८ पर्यटक पनि बेपत्ता भएका छन् भने हालसम्म ३०७ विदेशी पर्यटकको उद्धार गरिएको र सात जना सम्पर्कमा आएको पर्यटन विभागले जनाएको छ । स्थानीय प्रशासन र सुरक्षा निकायले बेपत्ता पर्यटकको खोजी तथा राहत कार्यलाई तीव्रता दिएका छन् ।
पर्यटन विभागका सूचना अधिकारी सुरज घिमिरेले विभिन्न कम्पनीमार्फत कैलाश मानसरोवर र जनैपूर्णिमा मेलाका लागि गोसाइँकुण्ड गएका पर्यटक सम्पर्कविहीन भएको जानकारी दिए । 
सम्पर्कविहीन हुनेमा २५६ पुरुष, ३२९ महिला र दुई अन्य रहेका छन् । सबैभन्दा बढी छिमेकी मुलुक भारतका रहेका छन् । विभागले दिएको जानकारी अनुसार भारतका १८४ नागरिक सम्पर्कविहीन छन् । यसबाहेक अष्ट्रेलियाका ३३, बेलारुसका दुई, क्यानडाका ३०, फिनल्यान्डका एक, फ्रान्सका चार, जर्मनीका आठ, हङ्गेरीका एक, आइरिसका दुई, इजरायलका एक, लिथ्वानियाका एक, मलेसियाका ५५ र नेदरल्यान्डका दुईजना सम्पर्कविहीन भएका छन् ।
यस्तै, न्युजिल्यान्डका पाँच, पोर्चुगलका दुई, रसियाका आठ, सिङ्गापुरका नौ, दक्षिण अफ्रिकाका छ, स्पेनका दुई, युक्रेनका ५४, बेलायतका ३२, अमेरिकाका ६७, जापानका पाँच, फिलिपिन्सका एक, काजकिस्तानका तीन, बेल्जियमका दुई, स्विडेनका एक जना सम्पर्कविहीन भएको विभागले जनाएको छ । यसैगरी, लाटभियाका ३३, स्विजरल्यान्डका एक, इटलीका दुई, चीनका २६, भियतनामका एक, इस्टोनियाका एक र पोल्यान्डका दुई पर्यटक पनि सम्पर्कविहीन छन् ।
उक्त बाढीमा परेर नेपालका १८८ पर्यटक बेपत्ता भएका छन् । विभागका अनुसार बेपत्ता हुनेमा १६१ पुरुष र २७ महिला रहेका छन् ।
हालसम्म ३०७ विदेशी पर्यटकको सफल उद्धार गरिएको विभागले जनाएको छ । उद्धार भएकामध्ये २५४ पुरुष र ५३ महिला रहेका छन् । यसैगरी, बाढीपछि सम्पर्कविहीन भएकामध्ये सात जना (दुई पुरुष, चार महिला र एक अन्य) हाल सम्पर्कमा आएका छन् । स्थानीय प्रशासन र सुरक्षा निकायले बेपत्ता भएकाको खोजी र राहत कार्यलाई तीव्रता दिएका छन् ।
FOUNDER/CHIEF EDITOR :
