पोर्चुगलमा एनआरएनए टी–१० क्रिकेट कप हुँदै, विजेताले ५,५५५ युरो पुरस्कार पाउने

लिस्बन, पोर्चुगल । नेपाली समुदायमा क्रिकेटको लोकप्रियता बढ्दै गएको अवस्थामा पोर्चुगलमा “NRNA T10 Cricket Cup Portugal” आयोजना हुने भएको छ। १४ देखि १६ सेप्टेम्बर २०२६ सम्म हुने प्रतियोगितामा युरोपका विभिन्न देशका नेपाली समुदायसँग सम्बन्धित ८ टोली सहभागी हुने आयोजकले जनाएको छ। 

प्रतियोगिता Gucherre Cricket Ground मा आयोजना हुनेछ। प्रतियोगितामा Maya UK, NSCA Germany, Gorkha 11 NRNA, Sudurpashchim Royals, NRNA UK, NRNA Germany, Strong Brothers र Gzira United Malta गरी आठ टोलीले प्रतिस्पर्धा गर्नेछन्।

दुई समूहमा विभाजन :

प्रतियोगितामा सहभागी टोलीलाई दुई समूहमा विभाजन गरिएको छ।

समूह ‘A’

Maya UK

NSCA Germany

Gorkha 11 NRNA

Sudurpashchim Royals

समूह ‘B’

NRNA UK

NRNA Germany

Strong Brothers

Gzira United Malta

समूह चरणका खेलहरू १४ र १५ सेप्टेम्बरमा हुनेछन्। प्रत्येक समूहबाट शीर्ष दुई टोली सेमिफाइनलमा प्रवेश गर्नेछन्। १६ सेप्टेम्बरमा दुई सेमिफाइनल तथा सोही दिन साँझ ४ बजेबाट ग्रान्ड फाइनल आयोजना हुने तालिका सार्वजनिक गरिएको छ।

विजेतालाई €५,५५५ पुरस्कार

प्रतियोगिताको विजेता टोलीले €५,५५५ नगदसहित ट्रफी प्राप्त गर्नेछ भने उपविजेताले €२,५५५ नगदसहित ट्रफी पाउनेछ। प्रतियोगितामा सहभागी हुने प्रत्येक टोलीका लागि €५०० प्रवेश शुल्क तोकिएको छ।

आयोजकले प्रतियोगितालाई केवल प्रतिस्पर्धाका रूपमा नभई नेपाली समुदायबीच एकता, भाइचारा, सद्भाव र सहकार्यलाई थप मजबुत बनाउने माध्यमका रूपमा अघि बढाएको जनाएको छ। प्रतियोगिताको मूल नारामा “Play Together, Win Together” तथा “One Game. One Spirit. One Champion.” उल्लेख गरिएको छ।

प्रतियोगितामा NRNA Portugal र Gorkha 11 लगायतका संस्थाको सहकार्य/संलग्नता रहेको छ। युरोपका विभिन्न मुलुकबाट नेपाली खेलाडी तथा टोलीहरू पोर्चुगलमा भेला हुने भएकाले प्रतियोगिताले नेपाली डायस्पोराबीचको खेलकुद सम्बन्धलाई समेत थप बलियो बनाउने अपेक्षा गरिएको छ।

१४–१६ सेप्टेम्बरमा हुने यस प्रतियोगिताले पोर्चुगलमा नेपाली क्रिकेटप्रतिको उत्साह बढाउनुका साथै युरोपेली नेपाली समुदायलाई खेलकुदमार्फत एउटै मैदानमा जोड्ने अवसर प्रदान गर्ने देखिन्छ।