युरोपनेपाली खबर, पोर्चुगल ।
लिस्बन, १४ मार्च । भारतका लागि आवासीय र नेपालका लागि गैरआवासीय पोर्चुगिस राजदूत João Ribeiro de Almeida संग गैरआवासीय नेपाली संघका केन्द्रीय अध्यक्ष डा. बद्री केसी, महिला उपाध्यक्ष रोजिना प्रधान राई, काठमाडौका लागि पोर्चुगलका अवैतनिक बाणिज्यदूत राजेन्द्र खेतान र एनआरएनए केन्द्रीय सचिवालयका कार्यकारी अधिकृत राजेन्द्रकुमार राउतबीच भेटवार्ता सम्पन्न भएको छ ।
बिहीबार काठमाडौमा भएको शिष्टचार भेटघाट तथा छलफलमा पोर्चुगिस राजदूतसंग नेपालमा पोर्चुगल दूतावासको स्थापना, भिषा सहजीकरण सेवा(VFS) सुचारु गर्न र पोर्चुगलको भारतस्थित दूतावासमा नेपाली कागजातको प्रमाणीकरण र सहजीकरणको बारेमा ध्यानाकर्षण पत्र बुझाइ आवश्यक पहलकदमीका बारेमा गहन कुराकानी भएको अध्यक्ष डा. बद्री केसीले जानकारी दिए ।
भेटमा नेपालको परराष्ट्र मन्त्रालय र नेपालको दिल्ली दूतावासले प्रमाणीकरण गरेको मुख्यगरी जन्मदर्ताको प्रमाणपत्र लगायत अन्य कागजातहरुलाई सहज रूपमा समयमा नै पोर्चुगल दूतावासले प्रमाणित गरी दिओस् भन्ने विषयमा विशेष जोड दिइएको थियो ।
यसैगरी पारिवारिक पुनर्मिलन सम्बन्धी एपोइन्टमेन्ट लिन दूतावास र पोर्चुगलमा पनि अत्यन्तै असहज स्थितिलाई सहज बनाइ दिनुपर्ने र पोर्चुगलको अध्यागमन कार्यालय (AIMA) ले दिने डकुमेन्टमा नै एपोइन्टमेण्ट तोकेर पठादिंदा उपयुक्त हुने बारेमा अध्यक्ष केसीले सुझाव दिएका थिए । पारिवारिक पुनर्मिलनको डकुमेन्ट प्रमाणीकरण गर्न विभिन्न स्थान पुग्नुपर्ने कुराले धेरै झन्झट र खर्चिलो भएकोले एकै स्थानबाट गर्ने व्यवस्था हुँदा उपयुक्त हुने र भिषा लागेको डकुमेन्टहरु लिन अहिले इन्डिया जानुपर्ने अवस्था छ त्यसलाइ काठमाडौबाट नै उपलब्ध गराउने व्यवस्था मिलाइदिन एनआरएनए प्रतिनिधि मण्डलले पोर्चुगिस राजदूतसंग आग्रह गरेको थियो ।
ध्यानाकर्षण र कागजातमा सहजीकरण गराउन पहलका लागि एनआरएनए पोर्चुगलका केन्द्रीय सदस्य(आइसिसी) सदस्य राजकुमार थापा, बिनु बस्नेत, अध्यक्ष उमेश खड्का लगायत सिङ्गो कार्यसमितिको तर्फबाट विशेष आग्रह र सुझाव दिइएको थियो ।
पोर्चुगलमा ५० हजारभन्दा बढी नेपाली
पोर्चुगलमा झण्डै ५० हजारभन्दा बढी नेपाली बसोबास गर्दै पोर्चुगलको आर्थिक विकासमा महत्वपूर्ण भूमिका खेल्दै आएका छन् ।
५० लाख पोर्चुगिज (गैरआवासीय पोर्चुगिस) विदेशमा बसोबास गरिरहेका छन् । पोर्चुगलका २३० संसद सदस्यमध्ये ४ जना डायस्पोराबाट निर्वाचित हुने गरेका छन् ।
FOUNDER/CHIEF EDITOR :
