आदरणीय शेष घलेदाइ,
तपाईँले गैरआवासीय नेपाली संघ (एनआरएनए) का पूर्वअध्यक्षहरू समेतलाई सम्बोधन गरी जारी गर्नुभएको विज्ञप्ति पढियो । एनआरएनएमा एकताको चाहना राख्नुभएकोमा खुसी लाग्यो । तपाईँको यस भावनाको उच्च सम्मान र समर्थन गर्छु । म पनि एकताबद्ध एनआरएनएको पक्षमा प्रतिबद्ध छु ।
तर, हामी कसैको मनोगत चाहनाले मात्र एकता हुन सक्दैन । अहिले जुन समयमा जुन एकताको महाधिवेशन गर्ने भन्दै हुनुहुन्छ, त्यसले एकताभन्दा बढी संस्थालाई विग्रहतिर लैजान सक्ने जोखिम देखिएको छ ।
यहाँले संवादका लागि आह्वान गर्नुभएको रहेछ । यो एकदमै राम्रो कुरा हो । हाम्रो समस्या अरू कसैले समाधान गरिदिँदैन । अदालत वा परराष्ट्र मन्त्रालयले पनि समाधान गरिदिने होइन । हामीहरूले नै बसेर उचित निकास निकाल्नुपर्छ र हामी सबै समाधानमुखी भएर प्रस्तुत भएमा यसमा सफल पनि हुन्छौँ भन्ने लाग्दछ ।
तसर्थ, अहिलेलाई तत्काल यो महाधिवेशन स्थगित गर्ने र सहमतिको अर्को मिति तय गर्ने कुरा बढी हितकर हुन सक्छ भन्ने मेरो विचार छ ।
धन्यवाद ।
कुमार पन्त
पूर्वअध्यक्ष, गैरआवासीय नेपाली संघ
FOUNDER/CHIEF EDITOR :
