एनआरएनए पोर्चुगलको २०२५-०२७ कार्यकाललाई इतिहासले सम्झिनेछ - अध्यक्ष बमबहादुर जिसी

एनआरएनए पोर्चुगलको २०२५-०२७ कार्यकाललाई इतिहासले सम्झिनेछ -  अध्यक्ष बमबहादुर जिसी
www.europenepalikhabar.com २०८२ साउन २५ गते आइतबार, 10-08-2025


नवराज घर्ती, पोर्तुगल,लिस्बन - गैरआवासीय नेपाली संघ (एनआरएनए) पोर्तुगलका अध्यक्ष बमबहादुर जीसीले एनआरएनए पोर्तुगलको २०२५-०२७ कार्यकाललाई इतिहासले सम्झिने विश्वास व्यक्त गर्नुभएको छ।

हालै सम्पन्न Meet and Greet जुम मिटिङमा ICC का अध्यक्ष बद्री केसी लगायत विश्वभरका एनआरएनएका प्रतिनिधिहरूको उल्लेखनीय सहभागिता रहेको उक्त कार्यक्रममा, पोर्तुगलको यसपटक नेपाली समाजले माग गरेको अध्यक्ष पदमा निर्वाचित हुन पाउँदा खुशी व्यक्त गर्दै, आगामी दुई वर्षको कार्यकाललाई नेपाली समुदायको हितमा ऐतिहासिक बनाउने दृढ प्रतिज्ञा व्यक्त गर्नुभयो।

अध्यक्ष जीसीले हरेक परिस्थितिमा पनि समुदायको हितमा तत्पर रहने र आवश्यक परे तत्काल कदम चाल्ने प्रतिबद्धता दोहोर्याउनुभयो। उहाँले चुनौतीका चाङ्हरु धेरै भए पनि, ती कठिनाइहरूलाई योजनाबद्ध तयारीका साथ सजिलै समाधान गर्न सकिनेमा विश्वास व्यक्त गर्नुभयो। साथै, विदेशमा रहेका नेपाली समुदायबीच एकता, आपसी सहयोग र पारदर्शिता कायम गर्दै एनआरएनएलाई अझ मजबुत बनाउने योजना रहेको जानकारी दिनुभयो।

त्यस्तै, एनआरएनए पोर्तुगलका सचिव नवराज घर्तीले पोर्तुगलले जीसीजस्तो समर्पित, ईमानदार र मेहनती अध्यक्ष पाएकोमा सम्पूर्ण पोर्तुगाली नेपाली समुदायले गर्व गर्नुपर्ने बताउनुभयो। उहाले यस्तो लगनशील नेतृत्वले संस्थामा सकारात्मक परिवर्तन, नीतिगत सुधार र समुदायलाई प्रत्यक्ष लाभ पुर्‍याउने कार्यक्रमहरू निरन्तर अघि बढाउने पनि स्पष्ट पार्नुभयो । सचिव घर्तीले पोर्तुगलमा रहेका नेपालीहरूको रोजगारी, कानुनी प्रक्रिया, सामाजिक गतिविधि र आपतकालीन सहयोगसम्बन्धी चुनौतीहरूको विस्तृत जानकारी प्रस्तुत गर्दै, एनआरएनए पोर्तुगल ती समस्याहरूको समाधानमा सक्रिय रूपमा काम गरिरहेको जानकारी गराउनुभयो।

यसैगरी, एनआरएनए ICC का केन्द्रीय सदस्य राजकुमार थापाले एनआरएनए केवल एउटा संस्था मात्र नभई विश्वभर छरिएर रहेका नेपालीहरूको साझा परिवार भएको बताउनुभयो। उहाँले एनआरएनए पोर्तुगलको नयाँ नेतृत्वले समुदायमा नयाँ ऊर्जा र सकारात्मक सन्देश प्रवाह गर्ने विश्वास व्यक्त गर्नुभयो। साथै, संस्थागत पारदर्शिता, कार्यक्षमता र समावेशी सहभागितामार्फत विश्वभरका नेपालीहरूबीचको सम्बन्ध अझ प्रगाढ बनाउने आवश्यकतामा जोड दिनुभयो।

यस बैठकमा सहभागी अन्य मुलुकका प्रतिनिधिहरूले आफ्ना अनुभव, सफलता र चुनौतीहरू पनि साझा गरे। कार्यक्रममा विश्वभरका एनआरएनए शाखाहरूबीच सहकार्य र समन्वयलाई थप मजबुत पार्ने, आपसी जानकारी आदानप्रदान गर्ने र आवश्यकताअनुसार आपतकालीन सहयोग प्रदान गर्ने प्रतिबद्धता व्यक्त गरियो। सहभागीहरूले भविष्यमा डिजिटल माध्यमबाट निरन्तर अन्तरक्रिया गर्ने र संयुक्त परियोजनाहरू अघि बढाउने योजनामा सहमति जनाए।

FOUNDER/CHIEF EDITOR :

RAJ KUMAR THAPA

EUROPE : LISBON, PORTUGAL
: europenepali2020@gmail.com
NEPAL : BANESHWOR, KATHMANDU

Video :

Everest Gautam

Technical Support

Bharat Poudel
© २०१६-२०२० europenepalikhabar.com सर्वाधिकार सुरक्षित