गैरआवासीय नेपाली संघ (एनआरएनए) ले डिसेम्बर २६ र २७ तारिखलाइ घोषणा गरेको निर्वाचनको मिति नबदली अन्य कार्यतालिका भने स्थगित गरेको छ । अध्यक्षका प्रत्यासी डा. बद्रि केसी, कुल आचार्य र रबीना थापाबिच सहमतिकालागि अन्तिम प्रयास गर्ने भन्दै निर्वाचनका अन्य प्रक्रिया स्थगित गरिएको बुझिएको छ ।
तर एनआरएनए निर्वाचन समितिले प्रकाशित गरिएको सुचनामा भने एनआरएनएको निर्वाचनकालागि उपलब्ध हुनुपर्ने मतदाता सुची पूर्णरुपमा प्राप्त नभैसकेकाले छानबिन प्रक्रिया प्रभावित भएको १५ डिसेम्वर बुधवार प्रकाशित सुचनामा जनाईएको छ ।
छानबिन प्रक्रिया प्रभावित भएको कारण देखाउँदै निर्वाचन समितिले यस अघि प्रकाशन भएका निर्वाचन मिति बाहेकका सबै कार्यतालिका स्थगित गरेको उल्लेख गरेको छ । नयाँ निर्वाचन प्रक्रियाको कार्यतालिका पछि प्रकाशित गरिने जनाईएको छ ।
एनआरएनए स्रोतका अनुसार एनआरएनएको आगामी नेतृत्वकालागि खास गरी अध्यक्ष पदका प्रत्यासी डा. केसी, कुल आचार्य र रबीना थापाबिच सहमतिको प्रयास चलिरहेकाले उमेदवारी मनोनयन, दाबी बिरोध लगायतका निर्वाचन प्रक्रिया स्थगित गरिएको हो ।
सहमतीका लागि बुधवार साँझपनि त्रिपक्षिय उमेदवारहरु राखेर पूर्व अध्यक्षहरु र अध्यक्ष कुमार पन्त बिच छलफलको प्रयास भएको छ।
सहमती गर्न केहि दिन लाग्नसक्ने हुनाले निर्वाचनको मितिलाई यथावत राखी निर्वाचनका अन्य प्रक्रिया स्थगित गरिएको हो । उमेदवारी मनोनयन, दर्ता, प्रतिनिधिको अन्तिम नामावली प्रकाशन र दाबि बिरोधलाई सहमतिपछि प्रकाशन गरिने छ । सहमति नभए निर्वाचन प्रक्रियाका लागि फेरि सूचना जारी गरिने श्रोतले बतायो ।
FOUNDER/CHIEF EDITOR :