पोर्चुगल । गैरआवासीय नेपाली संघका महासचिव डा हेमराज शर्माले शनिबार गठन गरिएको एनआरएनएको उच्चस्तरीय समितिले निर्वाचन र महाधिवेशन गराउने सहमती नभएको बताएका छन् । महाधिवेशन वर्तमान कार्यसमितिले र चुनाव निर्वाचन समितिले गराउने उनले स्पष्ट पारे ।
गैरआवासीय नेपाली संघ (एनआरएनए) को ८१ औ बैठकद्वारा गठन गरिएको उच्च स्तरिय समितिको टिओर तयार पारेर दर्जनौ पटक संशोधन गरेर अन्तमा सबैलाई मान्य हुने ४ बुदाँमा सम्भावित उम्मेदवारहरुले सहमत जनाएको बताउँदै महासचिव शर्माले समितिले अधिवेशन र निर्वाचन गराउने कुनै सहमति नभएको बताए ।
यसअघि केही मिडियाहरुमा अधिवेशन र निर्वाचन उच्चस्तरीय समितिले गर्ने समाचारजरु आएका थिए । तर महासचिव शर्माले आचार्यको ती समाचारहरुको खण्डन गर्दै समितिले नभई कार्यसमितिले नै निर्वाचन गर्ने बताएका हुन् ।
शर्माले नेपाल पत्रकार महासंघ यूरोप शाखाले आयोजना गरेको एक अन्तरक्रिया कार्यक्रमलाई आइतवार सम्वोधन गर्दै उच्चस्तरीय समितिलाई महाधिवेशन प्रतिनिधि विवाद मिलाउन मात्र जिम्मेवारी दिएको प्रष्ट पारे ।
उनले भने सहमति हस्ताक्षर गरे पछि फेरी पछि फर्केर मैले भने जस्तै हुनु पर्छ भन्नु उचित होईन । सहमती भाड्न होईन कार्यान्वयन तिर लागौ।’ शर्माले पछिल्लो सहमतिले संघको निर्वाचन गर्ने वातावरण बनेको बताए ।
यसअघि संघको बैठकले संघका पूर्वअध्यक्ष शेष घलेको संयोजकत्वमा महाधिवेशन प्रतिनिधि विवाद मिलाउन एक उच्चस्तरिय समिति गठन गरेको थियो ।
FOUNDER/CHIEF EDITOR :