फुटबल तथ्याङ्कहरू विश्लेषण गर्ने वेबसाइट ओप्टाले सोमबार फिफाको टोली अफ द टुर्नामेन्ट सार्वजनिक गरेको छ। यसमा पोर्चुगलका रोनाल्डो र ब्राजिलका नेयमारले स्थान बनाउन सकेनन् ।
जबकि मेस्सी र एम्बाप्पे टोलीमा समावेश भएका छन्। ओप्टाले विश्लेषणका आधारमा ११ खेलाडी छनोट गरेको छ । जसमा प्रत्येक पोजिसनका आधारमा प्रतियोगिताका उत्कृष्ट खेलाडीलाई लिइएको छ ।
लिभकोभिक (गोलकिपर)
क्रोएसियाका डोमिनिक लिभकोभिक उत्कृष्ट गोलकिपर चुनिए । उनले पूरै विश्वकपमा हरेक खेलमा औसत ३.५ सेभ गरे जुन सबैभन्दा धेरै हो। यसका साथै उनले विश्वकपको एउटै संस्करणमा चार पेनाल्टी सुटआउट रोक्ने कीर्तिमान पनि बराबरी गरेका छन् ।
अशरफ हाकिमी (डिफेन्डर)
मोरक्कोका अशरफ हाकिमी राइट ब्याक डिफेन्डर पोजिसनका लागि छनोट भएका छन् । यस प्रतियोगितामा हाकिमीले २६ ट्याकल गर्दै प्रतियोगितामा सबैभन्दा धेरै ट्याकल गरेका थिए ।
मार्किन्होस (डिफेन्डर)
ब्राजिलका सेन्ट्रल डिफेन्डर मारक्विनहोसले यस विश्वकपमा ३६४ पासमा ३४९ पास पूरा गरे, जसमा ९६% सटीकता छ। जुन विश्वकपमा उत्कृष्ट रह्यो । औसतमा, माक्विनहोस पिचमा हुँदा विपक्षीले प्रति ९० मिनेटमा ६.८ शट मात्र बनाउन सके।
जोस्को गार्डियोल (डिफेन्डर)
क्रोएसियाका स्टार डिफेन्डर गार्डियोलले यो विश्वकपमा सबैभन्दा बढी (३७) बल क्लियरेन्स गरेका छन्। योसँगै उनले अधिकतम २०२ पटक बल लिएर अगाडि बढाएका थिए । गार्डियोलले यस विश्वकपमा सबैभन्दा बढी ४८ पटक बलको कब्जामा राखेका थिए। जुन कुनै पनि डिफेन्डर भन्दा बढी हो।
थियो हर्नान्डेज (डिफेन्डर)
फ्रान्सका लेफ्ट ब्याक डिफेन्डर थियो हर्नान्डेजले यो विश्वकपमा उत्कृष्ट प्रदर्शन गरेका छन् । उनले यस विश्वकपमा बललाई अगाडि ल्याएर डिफेन्डरहरूमध्ये सबैभन्दा बढी (११) मौका सिर्जना गरे। उनले २ असिस्ट समेत गरेका थिए ।
ब्रुनो फर्नान्डेज (मिडफिल्डर)
यस विश्वकपमा फर्नान्डेज (५) भन्दा लियोनल मेस्सी र केलियन एमबाप्पेले मात्र बढी गोल गरेका छन् । त्यस्तै फर्नान्डेजले आफ्नो नाममा ३ असिस्ट गरेका छन् ।
अरेलियन चौमेनी (मिडफिल्डर)
चौमेनीले यस विश्वकपमा अन्य कुनै पनि खेलाडीको तुलनामा धेरै अवरोधहरू बनाए (१४)। साथै, यस प्रतियोगितामा, उनले ४६८ पासहरू मध्ये ४२५ पूरा गरे,।
एन्टोइन ग्रिजम्यान (मिडफिल्डर)
फ्रान्सेली खेलाडी र प्लेमेकरहरूले यस विश्वकपमा सबैभन्दा बढी (२२) गोल गर्ने अवसर सिर्जना गरे। उनले सेमिफाइनलमा मोरक्काे विरुद्ध म्यान अफ द म्याच पनि पाए ।
लियोनेल मेस्सी (फरवार्ड)
सन् २०२२ को विश्वकपमा मेस्सीले गोलतर्फ अधिकतम ३२ शट प्रहार गरेका थिए। मेस्सीले खेल्ने १७ ओपन मौका सृजना गरे । यस विश्वकपमा मेस्सीले ७ गोल र ३ असिस्ट गरेका छन् ।
जुलियन अल्भारेज (फरवार्ड)
२२ वर्षीय जुलियन अल्भारेजले यो विश्वकपमा ४ गोल गरेका छन् । अल्भारेजले क्रोएसियाविरुद्ध दुई गोल गरेका थिए । २२ वर्ष ३१६ दिनको उमेरमा अल्भारेज विश्वकपको सेमिफाइनलमा सबैभन्दा कम उमेरमा गोल गर्ने खेलाडी बने। पेलेले १७ वर्षको उमेरमा सन् १९५८ मा फ्रान्सविरुद्धको सेमिफाइनलमा ह्याट्रिक गरेका थिए ।
केलियन एमबाप्पे (फरवार्ड)
फ्रान्सका स्टार खेलाडी केलियन एमबाप्पेले सन् २०२२ को विश्वकपमा सबैभन्दा धेरै (८) गोल गरेका छन् । साथै, उनले सबैभन्दा बढी २५ ड्रिबल पूरा गरे।
FOUNDER/CHIEF EDITOR :
