युरोप । प्रबासी नेपाली मंच बेल्जियमको आठौं अधिबेशन यही मे महिनाको १९ तारिख आईतवार हुने भएको छ । नेकपा एमालेको प्रबासी संगठन मंचको अधिबेशनले आगामी दुई बर्षका लागि नयाँ नेतृत्व चयन गर्नुका साथै सांगठनिक कार्ययोजना बनाउने मंचकी अध्यक्ष चन्द्रकुमारी गुरुङ ‘इशा’ ले बताइन् ।
अधिबेशनमा अन्तरराष्ट्रिय कमिटी सचिब हेम शेर्पा र उपसचिब कर्ण शाही, संगठनका युरोप इन्चार्ज भक्त वाग्ले, युरोप संयोजक मुक्त गुरुङ लगायतका अतिथिहरु सहभागी हुनेछन् भने स्थानीय संघ संस्थाका प्रमुख र प्रतिनिधिहरुका साथै संगठनमा आबद्ध अग्रज र सदस्यहरुको सहभागिता रहनेछ।
अधिबेशन ब्यबस्थापनको तयारीका लागि अन्तिम चरणमा पुगेकोछ ।सबल प्रबासी, समृद्ध नेपाल, सुखी नेपाली,अधिबेशनको नारा तय गरिएको छ ।
अधिबेशनले बिदेशमा रहेका बामपन्थी र लोकतन्त्रवादीहरुलाई एकजुट बनाएर बैदेशिक रोजगार, नेपाली नागरिकताको निरन्तरता र बिदेशबाट मतदानको अधिकार लगायतका बिषयमा सशक्त अभियान चलाऊनका लागि बेल्जियम कमिटीले काम गर्ने आफुले विश्वास लिएको प्रबासी नेपाली मंच युरोपका सचिब शालिकराम थपलियाले बताएका छन् ।
१३३ जना संगठित सदस्यले भाग लिने यो पटकको अधिबेशनले सर्बसम्मत रुपमा आगामी दुई बर्षका लागि नयाँ नेतृत्व चयन गर्न प्रयत्न हुने विश्वास लिइएको छ ।
FOUNDER/CHIEF EDITOR :
