लिस्बन, पोर्चुगल । गैरआवासीय नेपाली संघ (एनआरएनए) को आगामी अक्टोबरमा हुने १२औं महाधिवेशनका लागि केन्द्रीय निर्वाचन समिति गठन गरिएको छ।
संघका अध्यक्ष डा. बद्री केसीको अध्यक्षतामा शुक्रबार बसेको अन्तर्राष्ट्रिय समन्वय परिषद् (आइसीसी) को बैठकले अधिवक्ता डा. राजेन्द्र घिमिरेको संयोजकत्वमा निर्वाचन समिति गठन गर्ने निर्णय गरेको हो।
समितिमा टिवि कार्की, चिरञ्जीवी ढकाल, प्रितम श्रेष्ठ, होम पाण्डे, प्रकाश सापकोटा र रजनी प्रधान सदस्य रहेका छन्।
यस्तै, संघको निर्वाचन प्रक्रिया अनुगमन गर्न रामप्रताप थापाको संयोजकत्वमा निर्वाचन अनुगमन समिति गठन गरिएको छ। उक्त समितिमा संजय थापा, टेकराज निरौला, कमलमणि गुरागाईं, नारायण काफ्ले, अतुल कोइराला र मुक्त गुरुङ सदस्य छन्।
बैठकले भिम उदास, भक्त गुरुङ, डा. देवी बस्नेत, ओम गुरुङ, समशेर थापा, यास्मीन बेगम र पुरुषोत्तम बोहोरा सदस्य रहेको न्यायिक समिति पनि गठन गरेको छ।
संघको विधानअनुसार अन्तर्राष्ट्रिय महाधिवेशन हुन तीन महिना अगावै यी समितिहरू गठन गर्नु पर्ने कानुनी प्रावधान छ।
शुक्रबारको बैठकमा संघका केन्द्रीय पदाधिकारी, आइसीसी सदस्य, सल्लाहकार लगायतको उपस्थिति थियो। गैरआवासीय नेपाली संघको १२औं महाधिवेशन आगामी अक्टोबर ११ देखि १४ सम्म काठमाडौंमा हुँदैछ ।
FOUNDER/CHIEF EDITOR :
