बेल्जियममा विश्व आदिवासी दिवस भव्य रूपमा सम्पन्न

इन्दिरा चाम्लिंङ, काजाब्लांका क्यासेल्लो ,बेल्जियम ।

नेपाल आदिबासी जनजाति महासंघ बेल्जियमको आयोजना र बेल्जियम स्थित महासंघमा आबद्ध मातृ संस्थाहरूको सह आयोजकत्वमा सुन्दर नगरी लुभेनमा भब्यताका सम्पन्न भयो। 

३१औ विश्व आदिवासी दिवस अगष्ट ९  अधिकार सहितको पहिचान, नेपाल आदिवासी जनजाति महासंघको साझा अभियान” भन्ने नाराको साथ नेफिन बेल्जियमको आयोजना र बेल्जियम स्थित महासंघमा आबद्ध मातृसंस्थाहरूको सह आयोजकत्वमा कार्यक्रममा बेल्जियम स्थित कला साहित्य पत्रकार खेलकूद क्षेत्रीय जातीय बैचारिक संघ संस्थाको प्रतिनिधि मुलक उपस्थिति रहेको थियो।

सयुक्त राष्ट्र संघको यसबर्षको नारा “प्राकृतिक श्रोत जल ,जमिनर जंगलमा संयुक्त आदिबासीको अधिकार सुनिश्चित गर ,आईएल ओ १६९ अनुरूप सर्बोच्च अदालतको निर्देशन कार्यान्वयन गर “ भन्ने मूल नारा सहितको

कार्यक्रममा नेपाली राजदुतावासको प्रतिनिधि रमेश गैरेले आदिवासी जनजातिको कार्यक्रम सरिक भई शुभकामना दिन पाउदा अत्यन्तै हर्षित भएको बताए। 

उनले सस्कृती जगेर्ना गर्न आफ्नो घर भित्र परिवारबाट लागेमा पुस्तान्तरण र संरक्षण हुने बताए ।

आफ्नो जातिय भाषा संस्कार संस्कृतिको सम्बर्धन प्रबर्धन राष्ट्रीय गौरबको विषय भएको र यसका लागि महासंघले कार्यक्रम अगाडी बढाइरहेकोमा विशेष धन्यवाद ज्ञापन गरे। 

त्यस्तै गरि अनआरएनए बेल्जियमका अध्यक्ष सिता सापकोटाले महासंघसंग सधै हातेमालो सहकार्य गर्दै निरन्तर अगि बढिरहने प्रतिबद्धता ब्यक्त गरिन, नेपाली समाज सधै एक ढिक्का भएक प्रकृयागत ढंगले  अगाडी बढ्छ । केहि विबाद जस्तों देखिएता पनि सामाजिक दुराषयलाई चिर्दै  नीति नियम बिधि बिधानको पालना गर्दै एनआरएनए बेल्जियम अघि बढिरहेको हुनाले कोहि पनि भ्रमित नहुनका निम्ती आग्रह गरिन्। 

कार्यक्रममा बिशेष अतिथिको आसनबाट नेफिन निवर्तमान अध्यक्ष बिरमान घर्ती मगरले नेफिनको गठन र बिश्व आदिवासी दिवस ९ अगस्टको बिषयमा संक्षिप्त उल्लेख गरे। त्यसै गरी जातिय संस्थाका अध्यक्ष प्रतिनिधिहरू तामांग समाजका कोष अध्यक्ष मानु घिसिड्., मगर संघ अध्यक्ष कल्पना मगर, किरात राई सोसाईटी बेल्जियम अध्यक्ष इन्दिरा चाम्लिड्. राई, चुम्लुंग अध्यक्ष बदन योड्.हाड्., तमु समाज बेल्जियम अध्यक्ष राम घलेले नेपाल सरकारको भाषा बिध्येयक पारित भइ सरकारी कामकाजी भाषाको रूपमा लागु हुने क्रम अधिकार सहितको पहिचानकोलागि महत्वपूर्ण उपलब्धि भएको र अरू थप उपलब्धिका लागि सशक्त रूपमा निरन्तर अधि बढीरहने प्रतिबद्धता जाहेर गरे। 

बैचारिक संस्थाको प्रतिनिधित्व गर्दै नेपाली जन प्रगतिशिल  मंच बेल्जियम अध्यक्ष मनिष गुरूंगले आदिवासी अधिकारका लागि नेपाल सरकारले संयुक्त राष्ट्र संघको बडापत्रमा हस्ताक्षर गरेता पनि आदिवासीको जल जमिन जंगल र प्रकृतिक प्रदत श्रोत साधन माथिको आदिवासी जनजातीको श्रम र लाभांश सम्बन्धमा नेपाल सरकार मौन हुन नहुने जिकिर गरे।

त्यसै गरि किरात राई सोसाइटीबाट केजिन राईको नेतृत्वमा साकेला सिली प्रस्तुत गरिएको थियो भने मगर संघ बाट सतमान पुन र श्याम बुढामगरको नेतृत्वमा भुमे नाच प्रस्तुत गरिएको थियो।

कार्यक्रमको अध्यक्षता गर्दै नेफिन बेल्जियमका अध्यक्ष प्रविना गुरूड्.ले “ अधिकार सहितको पहिचान” भन्ने मुल नारामा बेल्जियम स्थित सबै जातिय संस्थाहरू सहमत भई गतिविधि अगाडी बढाएकोमा धन्यवाद भन्दै ILO 169 & UNDRIP मा उल्लेख भएको अधिकार प्राप्त भइ नसकेको हुनाले आदिबासी अधिकार प्राप्तिका निम्ति महासंघ निरन्तर अघि बढिरहने प्रतिबद्धता ब्यक्त गरिन्। 

त्यसैगरी महासंघ उपाध्यक्ष मुना राईले स्वागत मन्तब्य राख्दै उपस्थित सम्पूर्णमा धन्यवाद ब्यक्त गरिन् । प्रत्यक्ष परोक्ष रूपमा आर्थिक भौतिक नैतिक सहयोग समर्थन गर्नु हुने सबैमा महासंघको तर्फ बाट  आभार ब्यक्त गरिन् । 

कार्यक्रम संयोजक ओमराज गुरूंग सह संयोजक कल्पना मगर रहेको थियो भने कार्यक्रम संचालन महासचिव रबिन राईले गरेका थिए।

बागमती प्रदेशमा तामाड्. र नेपाल भाषा । गण्डक प्रदेशमा मगर र गुरूंग भाषालाई सरकारी कामकाजको भाषा बिध्येयक पारित भइ सकेको खुसियालीमा दिप प्रज्वलन कार्यक्रम समेत आयोजना गरिएको थियो।