लिस्बन, २० सेप्टेम्बर । पोर्चुगलको राजधानी लिस्बनमा प्रोफेसर, पत्रकार र नेपाल सम्बन्धि चासो राख्ने पोर्चुगिस लगायत विभिन्न देशका सरोकारवाला व्यक्तिहरु र नेपाली प्रतिनिधिहरु बीच हिजो १९ मा सेप्टेम्बर शुक्रबार बहस तथा छलफल भएको छ ।
उक्त बहस कार्यक्रममा पोर्चुगलको नेपाली समुदायको तर्फबाट राजकुमार थापाले "नेपालको इतिहास र वर्तमान राजनैतिक अवस्था" बारे कार्यपत्र प्रस्तुत गरेका थिए । यसैगरी क्याथोलिक युनिभर्सिटीकी प्रोफेसर डा. अलेक्जेन्ड्रा पेरेइराले "पोर्चुगलमा नेपाली समुदायको अवस्था" र पोर्चुगलका नेपाली महिलाको तर्फबाट शान्ति अर्याल अधिकारीले "संस्कृति र नेपालीको दैनिक जीवनयापन" बारे कार्यपत्र प्रस्तुत गरेकी थिइन् ।
आप्रवासी एक्यवद्धता, आइमा र पोर्चुगिस सरकारी एजेन्सी समेतको सहकार्यमा भएको कार्यक्रमबाट नेपालको इतिहास, संस्कृति, राजनैतिक अवस्था, समसामयिक घटनाक्रमबारे बुझाउने प्रयास उपयोगी रहेको समुदायका अगुवा राजकुमार थापाले बताए ।
सहभागीहरुलाई सेलरोटी सहित नेपाली परिकार खुवाइएको थियो ।
FOUNDER/CHIEF EDITOR :
