राजकुमार थापा, १४ जनवरी, लिस्बन । पोर्चुगलमा आज कोभिड-१९ बाट ३४ जनाको मृत्यु भएको छ भने ४० हजार ९० जनामा नयाँ संक्रमण पुष्टि भएको स्वास्थ्य निर्देशनालय-जनरल (DGS) ले जनाएको छ।
आज रेकर्ड गरिएको मृत्युको संख्या पछिल्लो १० महिना यताकै सबैभन्दा धेरै हो, यसभन्दा अघि ३ मार्च २०२१ मा कोभिड-१९ बाट ४१ जनाको मृत्यु भएको थियो।
आज लगातार तेस्रो दिन पनि दैनिक संक्रमितको संख्या ४० हजारभन्दा बढी रहेको छ। बुधबार ४० हजार ९ सय ४५ रहेको थियो । जुन तथ्यांक महामारी सुरु भएयता कै उच्च हो भने बिहीबार ४० हजार १ सय ३४ थियो ।
३४ मृत्यु हुनेमध्ये १३ जना लिस्बन र ट्यागस उपत्यका क्षेत्रमा, १२ जना उत्तरमा, चार जना केन्द्र क्षेत्रमा, तीन जना मदेइरामा, एक जना एलेन्तेजोमा र अर्को एक जना अल्गार्वेका रहेका छन् ।
स्वास्थ्य निर्देशनालयको तथ्याङ्क अनुसार मृत्यु हुने ३४ मध्ये २३ जना ८० वर्षभन्दा माथिका, सातजना ७० र ७९ वर्षका, दुईजना ६० र ६९ वर्षका र अन्य दुईजना ५० देखि ५९ वर्षका थिए ।
पोर्चुगलमा मार्च २०२० देखि हालसम्म कोभिड-१९ को कारणबाट १९ हजार २३७ जनाको ज्यान गएको छ जसमा १० हजार १२३ पुरुष र ९ हजार ११४ महिला रहेका छन् । कुल १८ लाख १४ हजार ५६७ संक्रमित मध्ये निको हुनेको संख्या १४ लाख ९५ हजार ७३३ निको भएका छन् ।
स्वास्थ्य निर्देशनालयले जारी गरेको महामारीको अवस्था सम्बन्धी दैनिक प्रतिवेदन अनुसार अहिले १ हजार ६ सय ९९ जना बिरामी अस्पतालमा भर्ना भएका छन्, यो संख्या बिहीबारको बराबर छ भने सघन उपचार कक्षमा पनि १६२ जना भर्ना भएर उपचारार्थ रहेका छन् ।
देशको उत्तरी क्षेत्रमा हाल सबैभन्दा बढी नयाँ केसहरू देखा परेको छ, जहाँ १५ हजार ९१४ जना र त्यसपछि लिस्बन र भेल डो तेजोमा १४ हजार ५१३ जना रहेका छन् । यी दुई क्षेत्रहरूमा ७५ प्रतिशत नयाँ संक्रमणहरू देखा छन् ।
देशको केन्द्र क्षेत्रमा पछिल्लो २४ घण्टामा ४ हजार ५८९ जना, मदेइरा २ हजार १९३ जना, एल्गार्वे १ हजार २२४ जना, एलेन्तेजो १ हजार २०७ जना र अजोरेसमा ४५० नयाँ संक्रमण रेकर्ड गरिएको छ ।
महामारी सुरु भएदेखि लिस्बन र ट्यागस उपत्यका क्षेत्रमा ७ लाख १८ हजार ४२५ संक्रमित भएको र ८ हजार १०४ जनाको मृत्यु भएको रेकर्ड गरिएको छ ।
उत्तर क्षेत्रमा ६ लाख ६२ हजार ७१८ संक्रमित र ५ हजार ८४६ जनाको मृत्यु भएको छ भने मध्य क्षेत्रमा अहिलेसम्म जम्मा २ लाख ४३ हजार ३८३ संक्रमित र ३ हजार ३९६ जनाको मृत्यु भएको छ ।
अल्गार्भमा कूल ७० हजार ९२६ संक्रमीत भए भने ६०३ जनाको मृत्यु भएको छ यसैगरी अलेन्तेजुमा ६० हजार ८६६ सक्रमित भए भने एक हजार ९८ को कोभिड-१९ का कारण मृत्यु भएको छ ।
स्वायत्त प्रदेश मदेइरा क्षेत्रमा महामारीको सुरुवातदेखि ४१ हजार ४९८ जना संक्रमणको चपेटामा परे भने १३५ जनाको मृत्यु भएको छ र अजोरेस द्वीपसमूहमा १६ हजार ७६० सक्रमित फेलापरे भने ५५ जनाको मृत्यु भएको छ।
महामारी सुरु भएयता सबैभन्दा बढी मृत्यु ८० वर्षभन्दा माथिका वृद्धवृद्धा (१२,४५४), त्यसपछि ७० देखि ७९ वर्ष (४,१८२) र ६० देखि ६९ वर्ष (१,७६९) बीचको उमेर समूहका रहेका छन् ।
संक्रमणबाट निको हुनेहरुमा सबैभन्दा ठूलो संख्या ४० देखि ४९ वर्ष (७,६२०), त्यसपछि ३० देखि ३९ वर्ष (६,६५६), २० देखि २९ वर्ष (६,४९१), ५० र ५९ वर्ष (५,५२९) उमेर समूहका रहेको छन् । यसैगरी १० देखि १९ वर्ष उमेरका (५,२०७), ९ वर्षसम्म (३,५४७), ६० देखि ६९ वर्ष (२,७३६), ७० देखि ७९ वर्ष (१,४२९) र ८० वर्षभन्दा माथिका (८७८) वृद्धवृद्धाहरू पनि संक्रमण मुक्त भएका छन् ।
FOUNDER/CHIEF EDITOR :
