पोर्चुगलको आगलागी अझै अनियन्त्रित, एनआरएनएद्वारा सचेत रहन र कुनै समस्या परे सम्पर्क गर्न आग्रह

पोर्चुगल । पोर्चुगलको जंगलमा लागेको आगो अझै नियन्त्रण हुन सकेको छैन । वस्ती नजिकै आगो लागेकाले धेरै तर्सिएका छन् ।

आगो निभाउनका लागि पोर्चुगलले सम्पूर्ण प्रयास गरेको छ । हजार भन्दा बढी फायर फाइटरहरू जमिनबाट आगो निभाइरहेका छन् । १४ वटा यन्त्रहरुले आकाशबाट आगो निभाइरहेका छन् । मंगलबार दिउँसो जमिन र हावाबाट आगोलाई नियन्त्रण गर्न प्रयास गरे पनि नियन्त्रणमा आउन नसकेको हो ।

यसैबीच गैरआवासीय नेपाली संघ पोर्चुगलले आज एक विज्ञप्ति प्रकाशित गरी पोर्चुगलस्थित नेपाली समुदायलाई आगजनीको घटनाबाट सचेत रहन र कुनै समस्या परे सम्पर्क गर्न आग्रह गरेको छ ।

ओडेमिरामा शनिबारदेखि लागेको आगोले अहिलेसम्म ७ हजार हेक्टर जमिन जलेको छ । नागरिक सुरक्षा वेबसाइट (एएनइपिसी)का अनुसार ३ सय २२ सवारी साधन र १६ हवाइ सवारी साधनले ओडेमिराको नगरपालिकाको साओ टियोटोनियोमा शनिबार भएको आगलागी नियन्त्रण प्रयास गरे ।

सिभिल प्रोटेक्सनका अनुसार करिब ५ बजेसम्म हजार ७ दमकलले ३३० वटा सवारी साधन र १४ वटा हवाई सवारी साधनको सहयोगमा आगो निभाएको थियो ।

दिउँसो तापक्रम बढेका कारण मोन्चिकको नगरपालिकाको प्रवेशद्वारमा धेरै फ्लेयर अपहरू रिपोर्ट गरेको छ ।

यो धेरै वनस्पति भएको ठाउँ हो । यहाँका स्थानीयवासीहरू हिजो नै खाली गरिएको थियो । रातारात स्थिति नियन्त्रण गर्न सफल भए पनि अहिले फेरि चुनौती खडा भएको छ ।

अहिले हावा अनुकूल छ, मोन्चिक तिर बगिरहेको जनाइएको छ । आगो मोन्चिक पहाडमा पुग्न सक्ने त्रास फैलिएकोे छ । अधिकारीले त्यसतर्फ आगो जान नदिन प्रयास गरिरहेका छन् ।

दिउँसो आएको हावाहुरीले फेरि बल पाएपछि राति जोगाउन थालेका घरहरू फेरि जोखिममा परेका छन् । केही मानिसहरूले आगो निभाउन मद्दत गर्ने प्रयास गरे पनि तीर्व हावा लागेकाले सम्भव नभएको हो ।

हावा अल्जेजुरको मारिया भिनाग्रे तिर बगिरहेको छ । खाली गरिएको क्याम्प साइट क्षति बिना पुनः खोलियो । साओ मिगुएल क्याम्पसाइटबाट शनिबारदेखि ओडेमिराको नगरपालिकाबाट स्थानीयहरुलाई हटाइएको छ ।

हेर्नुहोस् गैरआवासीय नेपाली संघ पोर्चुगलको विज्ञप्ति जस्ताको तस्तै :

आदरणीय पोर्चुगलबासी दाजुभाई तथा दिदिबहिनीहरु सादर नमस्कार !

विगत केही दिनदेखि पोर्चुगलको अलेन्तेजु, ओदिसेस, साओमिगेल, ब्रेजाउँ लगायत पोर्चुगलका विभिन्न क्षेत्रमा भीषण रुपमा आगलागी भइरहेको छ । आगलागीबाट केही नेपालीहरु पनि आंशिक रुपमा प्रभावित भएको सूचनाहरु प्राप्त भएको तर ठूलो समस्या वा असर परेको अवस्था सृजना भै नहालेको जानकारी गराउँदछौं । आगलागी प्रभावित क्षेत्रमा वसोवास गरिरहनु भएका नेपाली दिदीबहिनी तथा दाजुभाइ र समुदायका अगुवाहरुसंग हाम्रो नियमित सम्पर्क भैरहेको रहेको छ । हाम्रो समुदायका कोही व्यक्तिलाई आगलागीबाट कुनै केही घटना भएमा हामी प्रहरी, प्रशासन लगायतका सम्बन्धित निकायसंग निरन्तर सम्पर्क र समन्वय गरिरहेको कुरा सबैमा जानकारी गराउँदै आगलागीको समस्याले यदि कोही प्रभावित भएमा वा समस्या परेमा तल उल्लेखित संघका पदाधिकारीहरुसंग सम्पर्क गर्नुहुन विनम्र अनुरोध गर्दछौं । आगलागी अझै फैलिरहेकोले यसबाट जोगिन र सचेत रहन सम्बन्धित सबैमा हार्दिक आग्रह समेत गर्दछौं ।

आपतकालीन सम्पर्कका लागि :

अध्यक्ष -  

उमेशकुमार खड्का - ९२०२०५३९२ 

वरिष्ठ उपाध्यक्ष- 

दीपा काफ्ले - ९२०१५५०८३ 

अलेन्तेजु क्षेत्रमा सम्पर्कका लागि-

काशिराम वन सन्यासी- ९२०४०८३२६ 

अमृत कुमार विश्वकर्मा - ९२०३८३८४३

- गैरआवासीय नेपाली संघ, राष्ट्रिय समन्वय  समिति परिषद (NRNA-NCC, Portugal)