पोर्चुगल, १० जुलाई । अन्तरराष्ट्रिय नेपाली साहित्य समाज( अनेसास)को केन्द्रिय कार्यकारी समितिको निर्वाचनमा अध्यक्ष पदमा सर्वज्ञ वाग्ले निर्वाचित भएका छन् ।
आज सम्पन्न निर्वाचनको नतिजा अनुसार वाग्लेले ८५९ मत अर्थात ५९.०८ % मत प्राप्त गर्दै अध्यक्ष पदमा जीत हासिल गरेका छन् ।
त्यस्तै उनका प्रतिद्वन्धी र मैदानमा उत्रिएकी साहित्यकार विमला निरौला पराजित भएकी छिन् । उनले कूल ५९५ अर्थात् ४०.९२ % मत ल्याएकी निर्वाचन समितिले जानकारी दिएको छ ।
यसैगरी वरिष्ठ उपाध्यक्षमा लाल गोपाल सुवेदी, क्षेत्रिय उपाध्यक्ष अमेरिकाका लागि सुदिपभद्र खनाल, क्षेत्रिय उपाध्यक्ष एसियाको लागि सरिता अर्याल तथा महासचिवमा राजु सिटौला बिजयी भएका छन् ।
निर्वाचन नतिजाको घोषणा प्रत्यक्ष प्रसारणबाट सामाजिक सन्जाल (फेसवुक) बाट प्रत्यक्ष रुपमा गरिएको छ । बिजेता वाग्ले तथा उपविजेता निरौलाले समेत छोटो मन्तव्य राखे । निरौलाले वाग्लेलाई बधाई दिएकी थिइन् भने उनले आफूलाई मत दिने र नदिने दुवैलाई धन्यवाद दिईन् । प्रमुख निर्वाचन आयुक्त गुणराज लुईटेलले नतिजाको घोषणा गरेका हुन्। नवनिर्वाचित अध्यक्ष वाग्लेले सबैलाई धन्यवाद दिदै विमला निरौला चेली जस्तै हुनभन्दै मिलेर काम गर्ने प्रतिवद्धता जाहेर गरे ।
वर्तमान अध्यक्ष गोवर्धन पूजा तथा पूर्व अध्यक्ष पदम विश्वकर्माले पनि छोटो मन्तव्य राखे।
FOUNDER/CHIEF EDITOR :