धादिङका दीपक सिटौलाको पोर्चुगलमा असामयिक निधन, आर्थिक सहयोगको लागि अनुरोध, जनवरी १० शुक्रबार श्रद्धाञ्जली कार्यक्रम

लिस्बन । धादिङ जिल्ला त्रिपुरासुन्दरी गाउँपालिका वडा नं ५ ठूला कठेरी निवासी र केही महिना अघिदेखि पोर्तुगलमा वसोवास गर्दै आएका वर्ष ४० का दीपक सिटौलाको गत जनवरी ६ तारिख बेलुका लिस्वनस्थित शान्तमारिया अस्पतालमा उपचारको क्रममा असामयिक निधन भएको  थियो ।

धादिङ समाज पोर्चुगलले एक सूचना जारी गरी सहयोगका लागि अनुरोध गरिएको समाजका महासचिव नवराज दुवाडीले जानकारी दिए । 

केही दिन अघि कार्यस्थलमा काम गरिरहेकै अवस्थामा अचानक अचेत भएर अस्पताल पुर्‍याइ उपचारको क्रममा गत सोमबार सिटौलाको निधन भएको हो । 

"केही महिना अघिमात्र श्रीमती शर्मिला खड्‌का संगै पोर्तुगल आएका उनीहरुको डेढ महिनाको सन्तान छ । डेढ महिनाको सुत्केरी र शिशुको पोर्तुगलमा कागजी प्रकृयमा पनि पुरा भइनसकेको अवस्था तथा नेपालमा रहेका वृद्धबुवाआमा र घरको आर्थिक अवस्थालाई मध्यनजर गर्दै उनको शव व्यवस्थापनको लागि आर्थिक अभियान संचालन गर्न लागेकोले कृपया तपाईहरु सम्पुर्णलाई आफ्‌नो गक्ष अनुसारको सहयोग गर्नुहुन बिनम्र अनुरोध गर्दछौं ।" धादिङ समाजले आर्थिक सहयोगका लागि आग्रह गर्दै जारी सूचनामा जनाइएको छ । 

सहयोग रकम पठाउने खाताको विवरण :

नाम: विजय बुढाथोकी (कार्यसमिति सदस्य, धादिंग समाज पोर्तुगल)

खाता नम्बर  :

PT50001000061274590 00167

MBway नम्बर : 920259121

सम्पर्क विवरण :

टेलिफोन नम्बर: +351926852450 इमेल: dhadingasp@gmail.com

श्रद्धाञ्जली तथा अन्तिम संस्कारको काममा उपस्थित हुने बारे सुचना !

गत जनवरी ६ तारिकका दिन निधन हुनुभएका धादिङ जिल्ला त्रिपुरासुन्दरी गाउँपालिका वडा नं ५ का दीपक सिटौलाको निम्न स्थान र मितिमा श्रद्धाञ्जली तथा अन्तिम संस्कार हुने भएकोले उपस्थितीको लागि सबैमा अनुरोध गर्दछौँ । 

श्रदाञ्जली कार्यक्रम गरिने स्थान र समय :

मितिः १० जनवरी २०२५, शुक्रवार 

समय : दिनको २ बजे 

स्थानः Hospital de são José Martim Muniz funerária capuchos. Rua Manuel Bento de Sousa No 2, Lisboa .

अन्तिम संस्कार गर्ने स्थान र समय :

मितिः १० जनवरी २०२५, शुक्रवार

समयः दिनको ४ बजे

स्थानः Largo do Cemitério, 2685-000 Camarate, Lisboa