युरोपनेपाली खबर, लिस्बन (पोर्चुगल)— गणतन्त्र पोर्चुगलका राष्ट्रपति मार्सेलो रेबेलो दि सौसाले आगामी १८ मे २०२५ मा पोर्चुगलमा नयाँ आम निर्वाचनको घोषणा गरेका छन् । राज्य परिषद्को बैठकपछि राष्ट्रपतिको यो घोषणा आएको हो ।
नयाँ निर्वाचनको मिति सबै राजनीतिक दलका नेताहरूसँगको छुट्टाछुट्टै छलफलपछि संसदको निर्णयलाई सम्मान गर्दै निर्वाचनको मिति तय गरिएको राष्ट्रपतिले सम्बोधनमा जनाए ।
राष्ट्रपतिले पोर्चुगलको आर्थिक अवस्थाबारे पनि जानकारी गराउँदै बेरोजगारी दर घटेको र देशको वित्तीय अवस्था सुधारिएको उल्लेख गरे। हालै संसदमा प्रस्तुत गरिएको अविश्वासको प्रस्ताव (मोसेन्स डे सेन्सुरा) र विश्वासको प्रस्ताव (मोसेन्स डे कन्फियान्सा) पछि सरकार विघटन भएको सन्दर्भमा उनले निर्वाचनको मिति तोकिएको जानकारी दिए।
राष्ट्रपति मार्सेलो रेबेलो दि सौसाले आफ्नो आफ्नो सम्बोधनको क्रममा विश्वको वर्तमान परिस्थितिबारे चर्चा गर्दै रुस-युक्रेन द्वन्द्व र संयुक्त राज्य अमेरिकाको राजनीतिक अवस्थालाई उल्लेख गरे। उनले युरोपेली संघको एकता अझै बलियो रहनुपर्ने आवश्यकता औल्याए ।
आफ्नो सम्बोधनमा राष्ट्रपति रेबेलो दि सौसाले आगामी निर्वाचन अभियानमा सबै दलले स्पष्ट र स्वस्थ राजनीतिक बहस गर्नुपर्ने आवश्यकतामा जोड दिए ।
FOUNDER/CHIEF EDITOR :
