शेर्पा किदुग पोर्चुगलले ग्याल्पो ल्होसारको अवसरमा ३० मार्च आइतबार भव्य कार्यक्रम आयोजना गर्दै

युरोपनेपाली खबर, लिस्बन । शेर्पा किदुग पोर्चुगलको आयोजनामा पोर्चुगलस्थित शेर्पा लगायत नेपाली समुदायले नेपालको राष्ट्रिय पर्व ग्याल्पो ल्होसार (नयाँ वर्ष २१५२, सिङ्गमो डुलल्हो–सर्प वर्ग) को अवसरमा विशेष साँस्कृतिक कार्यक्रमसहित भव्य रूपमा मनाउने तयारी भएको छ ।

आगामी मार्च ३० तारिख साँझ ५ बजे लिस्बनस्थित Wok Mundo (City Wok), Av. Columbano Bordalo Pinheiro 70 मा सो कार्यक्रम हुन लागेको हो ।

पोर्चुगलमा रहेका शेर्पा समुदाय र  नेपालीहरूको संस्कृति, परम्परा तथा एकताको भावनालाई मजबुत बनाउने उद्देश्यले आयोजना गरिएको “लोसार साँझ साँस्कृतिक कार्यक्रम” मा विभिन्न साँस्कृतिक प्रस्तुतिहरू, परम्परागत नृत्य, मनोरञ्जनात्मक कार्यक्रमहरू तथा नेपाली खाना र परिकारहरूको विशेष व्यवस्था गरिने आयोजकहरूले जनाएका छन् ।

शेर्पा किदुक पोर्चुगलले  यहाँस्थित सम्पूर्ण नेपाली समुदायलाई सहभागी हुन आग्रह गर्दै भनेको छ "यस लोसार साँझ साँस्कृतिक कार्यक्रममा सहभागी भई नेपाली संस्कृतिको जगेर्ना गर्न तथा आपसी सद्भाव बढाउन पोर्तुगलवासी सम्पूर्ण नेपाली समुदायलाई हार्दिक निमन्त्रणा गरिएको छ । कार्यक्रमको जानकारीका लागि  सहभागिता जनाउन उल्लेखित फोन नम्बरमा सम्पर्क गर्न सकिने छ।"

सम्पर्क:

राजेन्द्र शेर्पा : 920 314 343

डेन्डी शेर्पा : 920 168 443

पेमा डोमा शेर्पा : 920 380 070