लाक्पा तेन्जी लामा/ रोमानिया ।
रोमानियाको नेपाली समुदायमा अर्को दु:खद घटना घटेको खबर प्राप्त भएको छ। Bucharest को Grozavesti मा भएको ARTIFEX University को होस्टलमा एक नेपाली युवक झुन्डिएर आत्महत्या गरेको खबर प्राप्त भएको छ ।
मृतक कास्की पोखरा लामाचौर घर भएका बर्ष २८ का भिम गुरुङ रहेको र मृतक विगत १८ महिना अघि रोजगारीका लागि रोमानिया आएको जानकारी प्राप्त भएको छ । आत्महत्याको कारण भने खुलेको छैन । घटना भएको जानकारी पाए लगत्तै प्रहरी पुगी शवको मुचुल्का उठाइ शव पोस्टमार्टमका लागि लगिएको छ ।
रोमनियाको नेपाली समुदायमा यस्तो प्रकारको घटना लगातार हुँदै आइरहेको छ, विगत २ महिनाको अन्तरालमा ४ जनाले ज्यान गुमाई सकेका छन् । १ जनाको हृदयघात मुख्य कारण थियो भने बाँकी २ जनाको दुर्घटनामा परी ज्यान गएको थियो भने हिजो मात्र एक जनाले आत्महत्या गरेका छन् ।
सन् २०१९ यता ९ जना नेपालीहरुको रोमानियामा मृत्यु भै सकेको छ । यसरी अकाल मृत्युवरण हुनुमा असवधानी, नेपालमा देखेको सपना र नेपालमा मेनपावर कम्पनीमा तिरेको रकम यहाँ कामको प्रेसर र मानसिक बिक्षिप्तता जस्ता मुख्य कारण हुन सक्ने देखिएको छ ।
महिनाको ५०-६० हजार तलबको लागि ६-७ लाख तिर्नु पर्ने र यहाँ भने अनुसार काम र कमाई नहुनुले मानसिक तनाव भै आत्महत्या गर्ने सम्मको निर्णयमा पुगेको देखिन्छ । यसको निराकरणमा जिम्मेवार हामी आफैं र सबैले बेलैमा विशेष ध्यान दिन जरूरी छ ।
FOUNDER/CHIEF EDITOR :