कति छन् प्रधानमन्त्री कार्कीका सन्तान र कहाँ बस्छन्, के गर्छन् ?

भदौ २३ गतेको जेनजी प्रदर्शन र २४ गतेको विध्वंशका बलमा प्रधानमन्त्री बनेकी पूर्वप्रधानन्यायाधीश सुशीला कार्कीको सन्तानबारे धेरै अनभिज्ञ छन् ।

उनका कति जना सन्तान छन् ? कहाँ छन् ? के गर्छन् ? कार्कीले सार्वजनिक गरेकी छैनन् । तर, यथार्थ के हो भने उनको र दुर्गा सुवेदीको एक मात्र सन्तान छन् र ती लामो समयदेखि विदेशमा बसिरहेका छन् ।

पेशाले आईटी इञ्जिनियर छोरा प्रशान्त सुवेदी अमेरिकाको क्यालिफोर्नियामा बस्छन् । श्रीमती पनि एउटै फिल्डको विवाह गरेका छन् । श्रीमती सुमिक्छा भट्ट उर्फ नेहा पनि आइटी इञ्जिनियर नै हुन् । उनीहरूको विवाह सन् २०२३ मा भएको हो । बेलायत बस्दै आएकी उनी पछिल्लो समय श्रीमान्सँगै बस्ने गरी अमेरिका पुगेकी छन् ।