लिस्वन – विभाजनको करिब ४ बर्षपछि नेपाली नारी समाज पोर्तुगल र नेपाली महिला समाज पोर्तुगलले एकताको अधिवेशन सम्पन्न गरेका छन् । आज पोर्तुगलको राजधानी लिस्वनमा सम्पन्न अधिवेशनले शान्ति अर्याल अधिकारीको अध्यक्षतामा २५ सदस्यीय कार्यसमिति गठन गरेको छ ।
सन् २०१४ मा सीता बरालको अध्यक्षतामा नेपाली नारी समाज पोर्तुगलको गठन भएको थियो भने सन् २०१९ मा निर्मला ढकालको अध्यक्षतामा नेपाली महिला समाज पोर्तुगलको गठन भएको थियो । यो अवधिमा पोर्तुगलमा रहेका नेपाली दिदीबहिनीहरुको यी संगठनहरुले छुट्टाछुट्टै रुपमा आफ्नो कार्यक्रम र गतिविधिहरु संचालन गर्दै आइरहेका थिए । लक्ष्य र उद्देश्य एक हुँदाहुँदैपनि केही कारणवस यी संगठनहरु छुट्टाछुट्टै रहँदा यहाँ रहेका अन्य संघ-संस्था तथा सुभेच्छुकहरुबाट पनि एकताको लागि विभिन्न समयमा आग्रह र समन्वय हुँदै आइरहेको थियो ।