युरोप — प्रवासी नेपाली मञ्च स्लोभाकियाको प्रथम राष्ट्रिय अधिवेशन भव्य रूपमा सम्पन्न भएको छ ।
प्रवासमा रहेका नेपालीहरूलाई एकताबद्ध गर्दै संगठनलाई थप सशक्त, व्यवस्थित र प्रभावकारी बनाउने संकल्पसहित सम्पन्न भएको यस अधिवेशनले कमरेड गोकर्ण भट्टको अध्यक्षतामा ३० सदस्यीय नयाँ राष्ट्रिय कमिटी सर्वसम्मत रूपमा चयन गरेको छ ।
नवनिर्वाचित कार्यसमितिको उपाध्यक्षमा रवि रुमाल, सचिवमा तिलक शर्मा न्यौपाने र उपसचिवमा सनम चालिस तथा तिलकराम न्यौपाने चयन हुनुभएको छ । नयाँ नेतृत्वले स्लोभाकियामा रहेका सम्पूर्ण नेपालीहरूलाई गोलबद्ध गर्दै मञ्चको गतिविधिलाई थप ऊर्जावान् र रचनात्मक बनाउने प्रतिबद्धता व्यक्त गरेको छ ।
उक्त ऐतिहासिक अधिवेशनमा नेकपा एमाले केन्द्रीय कमिटी सदस्य तथा युरोप इन्चार्ज कमरेड सञ्जय थापा प्रमुख अतिथिका रूपमा सहभागी हुनुहुन्थ्यो । यसैगरी, विशिष्ट अतिथिको रूपमा अन्तर्राष्ट्रिय कमिटी सदस्य तथा स्लोभाकिया इन्चार्ज कमरेड सन्तोष भट्टराई उपस्थित हुनुहुन्थ्यो भने विशेष अतिथिका रूपमा प्रवासी नेपाली मञ्च अष्ट्रियाका निवर्तमान अध्यक्ष कमरेड दधिराम नेपाल र गैरआवासीय नेपाली संघ अष्ट्रियाका अध्यक्ष विनोद चौलागाईंको उपस्थिति रहेको थियो ।
कार्यक्रममा स्थानीय नेपाली समुदाय तथा विशिष्ट व्यक्तित्वहरूको पनि उत्साहजनक सहभागिता थियो । मकालु रेष्टुरेन्टका सञ्चालक तथा सफल व्यवसायी राजु कटुवाल, मिसेस इल्या र मिस्टर मार्टिन लगायतका व्यक्तित्वहरूले आतिथ्यता ग्रहण गर्दै नवनिर्वाचित कमिटीलाई सफल कार्यकालको शुभकामना व्यक्त गर्नुभएको थियो । यस अधिवेशनले युरोपमा रहेका नेपाली समुदायबीच आपसी भाइचारा र संगठनात्मक एकतालाई थप मजबुत बनाएको छ ।
FOUNDER/CHIEF EDITOR :
